អង់គ្លេស បន្តផ្ដល់ការអនុគ្រោះផ្នែកពាណិជ្ជកម្មជាមួយកម្ពុជា

2018-08-23 00:44:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ម៉ាក ហ្វីល (Mark Field) អនុរដ្ឋមន្ត្រីការបរទេសចក្រភពអង់គ្លេស ទទួលបន្ទុកអាស៊ី និងប៉ាស៊ីហ្វិក ក្នុងឱកាសជំនួប ជាមួយលោក ប្រាក់ សុខុន រដ្ឋមន្រ្តីការបរទេសកម្ពុជា កាលពីថ្ងៃទី២២ ខែសីហា ឆ្នាំ២០១៨ បានអះអាងថា អង់គ្លេសនឹងបន្តផ្តល់ការអនុគ្រោះផ្នែកពាណិជ្ជកម្មជាមួយកម្ពុជា។

លោក ម៉ាក ហ្វីល ពិភាក្សាជាមួយលោក ប្រាក់ សុខុន

លោក កេត សោផាន់ អ្នកនាំពាក្យក្រសួងការបរទេស បានថ្លែងប្រាប់ក្រុមអ្នកសារព័ត៌មាន ក្រោយបញ្ចប់ជំនួបរវាងភាគីទាំងពីរថា រដ្ឋមន្រ្តីការបរទេសមានសុដ្ឋិនិយមថា ការចូលជាសមាជិក របស់អង់គ្លេស នៅក្នុងតំបន់អាស៊ានដែលធ្វើជា ដៃគូសន្ទនា បន្ទាប់ពីបែលហ្ស៊ិក គឺនឹងទទួលបានការគាំទ្រពី អាស៊ាន និងសមាជិកនៃប្រទេសផ្សេងទៀត។

លោកបន្តថា ចំពោះបញ្ហាសន្តិសុខ ដូចជាគ្រឿងញៀន ភេរវកម្ម នៅក្នុងតំបន់អាស៊ានត្រូវចាត់ទុកថា ជាបញ្ហាសាកល ដែលត្រូវរួមគ្នាដោះស្រាយទាំងអស់គ្នា។

លោក ម៉ាក ហ្វីល មកបំពេញទស្សនកិច្ចនៅកម្ពុជា ចាប់ពីថ្ងៃទី២២ ដល់ ២៣ ខែសីហានេះ ក្នុងដំណើរទស្សនកិច្ចមកកាន់តំបន់អាស៊ី ចំនួន ៦ប្រទេស រួមមាន ឥណ្ឌូណេស៊ី ហ្វីលីពីន ថៃ ព្រុយណេ ឡាវ និងប្រទេសកម្ពុជា៕