ក្រុមកូរ៉េខាងត្បូង ទទួលបានលក្ខខណ្ឌពិសេស បើឈ្នះមេដាយមាសនៅ Asian Games

2018-08-30 02:55:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធ Son Heung-min របស់ក្លឹបបាល់ទាត់ Tottenham Hotspur និងកីឡាករកូរ៉េខាងត្បូងដទៃទៀត នឹងទទួលបានការលើកលែងពីការចូលបម្រើកងទ័ពកូរ៉េខាងត្បូង ប្រសិនបើពួកគេអាចជួយឲ្យក្រុមកូរ៉េខាងត្បូង ក្លាយជាម្ចាស់មេដាយមាស នៅកីឡាអាស៊ី ឬ Asian Games ឆ្នាំ២០១៨។

Son Heung-min (រូបថត៖ AP)

Son បានជួយឲ្យក្រុមកូរ៉េខាងត្បូង ឡើងទៅកាន់វគ្គផ្តាច់ព្រ័ត្រ លើវិញ្ញាសាបាល់ទាត់បុរស Asian Games ដោយត្រូវប៉ះក្រុមជប៉ុន នៅថ្ងៃទី១ ខែកញ្ញា ឆ្នាំ២០១៨ វេលាម៉ោង ៦:៣០នាទីល្ងាច។

រដ្ឋាភិបាលកូរ៉េខាងត្បូង បានផ្ដល់លក្ខខណ្ឌពិសេសខាងលើ ចំពោះអត្តពលិករបស់ខ្លួន ដែលឈ្នះមេដាយមាស សម្រាប់ប្រទេសជាតិខ្លួន ក្នុងព្រឹត្តិការណ៍ Asian Games ឬ ព្រឹត្តិការណ៍អូឡាំពិច។

យ៉ាងណាក៏ដោយ Son នឹងត្រូវចូលបម្រើកងទ័ព រយៈពេល ២១ខែដដែល ប្រសិនបើគេមិនអាចជួយឲ្យកូរ៉េខាងត្បូង ឈ្នះមេដាយមាស ឬទទួលបានត្រឹមមេដាយប្រាក់ នៅព្រឹត្តិការណ៍ដែលរៀបចំនៅប្រទេសឥណ្ឌូណេស៊ី៕

ប្រភព៖ Washingtonpost ប្រែសម្រួល៖ លាភ.