លោក Duterte ធ្វើទស្សនកិច្ចទៅកាន់ប្រទេសអ៊ីស្រាអែល

2018-09-02 23:54:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Rodrigo Duterter ប្រធានាធិបតីហ្វីលីពីន បានទៅដល់ប្រទេសអ៊ីស្រាអែលហើយ កាលពីថ្ងៃទី២ ខែកញ្ញា ២០១៨ ម្សិលមិញ សម្រាប់ទស្សនកិច្ចរយៈពេល ៤ថ្ងៃរបស់លោកនៅទីនោះ។

លោក Rodrigo Duterter ប្រធានាធិបតីហ្វីលីពីន អំឡុងពេលទៅដល់ប្រទេសអ៊ីស្រាអែល/ រូបភាព៖ Wall Street Journal

ទស្សនកិច្ចនេះ បានធ្វើឲ្យលោក Duterte ក្លាយជាមេដឹកនាំហ្វីលីពីនដំបូងគេដែលទៅដល់ប្រទេសអ៊ីស្រាអែល ចាប់តាំងពីប្រទេសទាំងពីរបង្កើតទំនាក់ទំនងការទូតអស់រយៈពេលជាង ៦០ឆ្នាំ។

នៅថ្ងៃទី៣ ខែកញ្ញានេះ លោក Duterte នឹងជួបពិភាក្សាជាមួយលោកនាយករដ្ឋមន្រ្តីអ៊ីស្រាអែល Benjamin Netanyahu និងចុះកិច្ចព្រមព្រៀងលើឯកសារមួយចំនួនផងដែរ។

ចំណែកខាងក្រសួងការបរទេសអ៊ីស្រាអែលបញ្ជាក់់ថា ទស្សនកិច្ចនេះ គឺបង្ហាញទំនាក់ទំនងរឹងមាំ និងកក់ក្ដៅរវាងប្រជាជននៃប្រទេសទាំងពីរ។

សូមបញ្ជាក់ថា ចាប់តាំងពីលោក Duterte ឡើងកាន់តំណែងមក ហ្វីលីពីនបានងាកចេញពីសហរដ្ឋអាមេរិក ដែលជាសម្ព័ន្ធរបស់ខ្លួន ហើយបែរទៅមានទំនាក់ទំនងការទូត និងពាណិជ្ជកម្មកាន់តែល្អប្រសើរជាមួយចិន និងរុស្ស៊ីវិញ៕

ប្រភព៖ Channelnewsasia ប្រែសម្រួល៖ វាសនា