សម្តេច ហ៊ុន សែន ផ្តល់ថវិកា ដល់ម្ចាស់មេដាយមាស Asian Games

2018-09-03 12:23:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន នៅយប់ថ្ងៃទី៣កញ្ញានេះ បានផ្តល់ថវិកា ដល់កីឡាករ-កីឡាការិនី ដែលជាម្ចាស់មេដាយមាស នៅក្នុងព្រឹត្តិការណ៍ Asian Games ធ្វើឡើងនៅប្រទេសឥណ្ឌូណេស៊ី រួមទាំងគ្រូបង្វឹកផងដែរ។

កីឡាការិនី ខាន់ ចេសា ម្ចាស់មេដាយមាស ក្នុងប្រភេទកីឡាជូជិតស៊ូ (Ju-Jitsu)៖ ទទួលបានថវិកា ៨០លានរៀល ពីរាជរដ្ឋាភិបាល និងថវិកា ១ម៉ឺនដុល្លារ ពីសម្តេច ហ៊ុន សែន។ ចំណែកគ្រូបង្វឹករបស់ ខាន់ ចេសា ទទួលបាន ៨០លានរៀល ពីរាជរដ្ឋាភិបាល និង ១ម៉ឺនដុល្លារពីសម្តេច ហ៊ុន សែន។

ខាន់ ចេសា ពេលមកដល់ព្រលានយន្តហោះអន្តរជាតិភ្នំពេញ នាល្ងាចថ្ងៃទី៣កញ្ញា ២០១៨

កីឡាករ សាលី អ៊ូមើត ម្ចាស់មេដាយមាស លើវិញ្ញាសា Ski Modified និងជាម្ចាស់មេដាយសំរឹទ្ធ លើវិញ្ញាសា Runabout 1100 Stoke ប្រភេទកីឡាម៉ូតូទឹក៖ ទទួលបាន ១០៤លានរៀល ពីរាជរដ្ឋាភិបាល និង ១៣០០០ដុល្លារ ពីសម្តេច ហ៊ុន សែន។ ចំណែកគ្រូបង្វឹករបស់ សាលី អ៊ូមើត ទទួលបានថវិកា ៨០លានរៀល ពីរាជរដ្ឋាភិបាល និង ១ម៉ឺនដុល្លារ ពីសម្តេច ហ៊ុន សែន។

សាលី អ៊ូមើត ពេលមកដល់ព្រលានយន្តហោះអន្តរជាតិភ្នំពេញ នាល្ងាចថ្ងៃទី៣កញ្ញា ២០១៨

សម្តេច ហ៊ុន សែន បញ្ជាក់ថា ទឹកប្រាក់សរុប ដែលផ្តល់ជូនដល់ម្ចាស់មេដាយ និងគ្រូបង្វឹកខាងលើនេះ គឺប្រមាណ ៣៤៤លានរៀល (ថវិការាជរដ្ឋាភិបាល) និង ៤៣០០០ដុល្លារ (ថវិកាសម្តេច ហ៊ុន សែន)។

ការផ្តល់ថវិកានេះ ធ្វើឡើងក្នុងពិធីសំណេះសំណាលរវាងសម្តេច ហ៊ុន សែន ជាមួយកីឡាករ-កីឡាការិនី ជយលាភីមេដាយមាស និងប្រតិភូកីឡា ដែលទើបតែមកពីចូលរួមក្នុងការប្រកួតកីឡាអាស៊ី (Asian Games) លើកទី១៨ នៅឥណ្ឌូណេស៊ី៕

ខាងក្រោមនេះជារូបភាពដែលសម្តេច ហ៊ុន សែន ប្រគល់ថវិកាដល់ម្ចាស់មេដាយមាស និងគ្រូបង្វឹក នៅវិមានសន្តិភាព៖