Duterte បញ្ជាក់ពីមូលហេតុដែលលោកទិញអាវុធពីប្រទេសអ៊ីស្រាអែលតែមួយប៉ុណ្ណោះ

2018-09-05 03:39:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Rodrigo Duterte ប្រធានាធិបតីហ្វីលីពីន កាលពីថ្ងៃទី៤ ខែកញ្ញា ២០១៨ ម្សិលមិញ បានប្រាប់លោក Reuven Rivlin ប្រធានាធិបតីអ៊ីស្រាអែលថា ប្រទេសរបស់លោកនឹងទិញអាវុធតែពីអ៊ីស្រាអែលប៉ុណ្ណោះ ដោយសារគ្មានការរឹតបន្ដឹងណាមួយនោះទេ។ ការលើកឡើងរបស់លោក Duterte ដូច្នេះ គឺអំឡុងពេលលោកកំពុងបំពេញទស្សនកិច្ចនៅក្នុងប្រទេសអ៊ីស្រាអែល។

លោក Rodrigo Duterte ប្រធានាធិបតីហ្វីលីពីន ជួបជាមួយលោក Reuven Rivlin ប្រធានាធិបតីអ៊ីស្រាអែល នៅប្រទេសអ៊ីស្រាអែល កាលពិថ្ងៃទី៤ ខែកញ្ញា ២០១៨/ រូបភាព៖ Time of Israel

លោក Duterte បានបញ្ជាក់ថា លោកបានណែនាំឲ្យកងទ័ពរបស់លោកទិញអាវុធ និងសម្ភារៈយោធាផ្ដាច់មុខពីប្រទេសអ៊ីស្រាអែល។ លោកថា "អាមេរិកគឺជាមិត្តល្អ ប៉ុន្ដែហ្វីលីពីនអាចទិញអាវុធពីអាមេរិកដោយមានចំនួនកំណត់ ហើយការទិញអាវុធពីអាល្លឺម៉ង់ និងចិន ក៏ដូចគ្នាដែរ"។

ទោះយ៉ាងណាលោក Duterte ពុំបានបកស្រាយឲ្យបានច្បាស់ពីការរឹតបន្ដឹង ដែលលោកបានលើកឡើងនោះទេ។

សូមបញ្ជាក់ថា ប្រទេសហ្វីលីពីនបានក្លាយជាអតិថិជនដ៏សំខាន់ថ្មីរបស់អ៊ីស្រាអែល នៅឆ្នាំ២០១៧ ដោយបានបញ្ជាទិញរ៉ាដា និងសព្វាវុធប្រឆាំងរថគ្រោះក្នុងទំហំទឹកប្រាក់ ២១លានដុល្លារ៕

ប្រភព៖ TimeofIsrael ប្រែសម្រួល៖ វាសនា