លទ្ធផលប្រឡងបាក់ឌុប ត្រូវបានរំកិលថ្ងៃប្រកាសលឿនជាងមុន

2018-09-06 04:05:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងអប់រំ យុវជន និងកីឡា នឹងធ្វើការផ្សព្វផ្សាយពីលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី៩ ខែកញ្ញា ឆ្នាំ២០១៨ សម្រាប់រាជធានីភ្នំពេញ និងខេត្តកណ្ដាល និងថ្ងៃទី១០ ខែកញ្ញា ឆ្នាំ២០១៨ សម្រាប់បណ្ដាខេត្តផ្សេងទៀត តាមរយៈទំព័រហ្វេសប៊ុកផ្លូវការក្រសួង facebook.com/moeys.gov.kh។

ក្រសួងអប់រំ បានបញ្ជាក់ថា ការប្រកាសលទ្ធផលនេះ ធ្វើឡើងមុនកាលបរិច្ឆេទកំណត់ (១១-១២ កញ្ញា ២០១៨) ដោយសារដំណើរការកំណែ និងការស្រង់បូកពិន្ទុ តាមប្រព័ន្ធកុំព្យូទ័រប្រព្រឹត្តទៅដោយរលូន និងមានតម្លាភាព។

បេក្ខជនប្រឡងបាក់ឌុបឆ្នាំ២០១៨

គួរបញ្ជាក់ថា ការប្រឡងមធ្យមសិក្សាទុតិយភូមិឆ្នាំ២០១៨ បានប្រព្រឹត្តចប់រួចរាល់កាលពីថ្ងៃទី២០ និង ២១ ខែសីហា ដោយក្នុងនោះមានចំនួនបេក្ខជន ១១៧ ០៦១នាក់ ចែកចេញជា២ក្រុមគឺថ្នាក់វិទ្យាសាស្ត្រ ៥១,៧% និងថ្នាក់វិទ្យាសាស្ត្រសង្គម ៤៨,៣%៕

អត្ថបទ៖ ឈាង.