សេតវិមាន៖ លោក ត្រាំ ទទួលសំបុត្រមួយច្បាប់ទៀតហើយពីលោក គីម ជុងអ៊ុន

2018-09-11 02:19:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ដូណាល់ ត្រាំ ប្រធានាធិបតីអាមេរិក បានទទួលសំបុត្រដ៏វិជ្ជមានមួយពីលោក គីម ជុងអ៊ុន មេដឹកនាំកំពូលកូរ៉េខាងជើង ដើម្បីស្វែងរកជំនួបមួយបន្ទាប់ទៀត ក្រោយជំនួបកំពូលរបស់មេដឹកនាំទាំងពីរបានធ្វើឡើងនៅសិង្ហបុរី កាលពីខែមិថុនា កន្លងទៅ។ នេះបើតាមការប្រកាសរបស់សេតវិមាន កាលពីថ្ងៃទី១០ ខែកញ្ញា ២០១៨ ម្សិលមិញ។

មេដឹកនាំកូរ៉េខាងជើង គីម ជុងអ៊ុន និងប្រធានាធិបតីសហរដ្ឋអាមេរិក ដូណាល់ ត្រាំ ក្នុងពិធីចុះហត្ថលេខា អំឡុងជំនួបចចារជាប្រវត្តិសាស្រ្ដ នៅសណ្ឋាគារ Capella Hotel នៅសិង្ហបុរី នាថ្ងៃ១២ ខែមិថុនា

លោកស្រី Sarah Sanders អ្នកនាំពាក្យសេតវិមានបញ្ជាក់ថា សារសំបុត្រនោះបង្ហាញថា ក្រុងព្យុងយ៉ាងបានបន្ដប្ដេជ្ញា ដើម្បីផ្ដោតលើការរំលាយនុយក្លេអ៊ែរនៅឧបទ្វីបកូរ៉េ។ លោកស្រីបន្ដថា " "គោលបំណងចម្បងនៃសំបុត្រនោះ គឺដើម្បីរៀបចំជំនួបមួយទៀតជាមួយប្រធានាធិបតី ត្រាំ ដែលយើងបើកចំហរ និងត្រៀមរួចរាល់ហើយនៅក្នុងដំណើរការនៃការសម្របសម្រួល"។

លោកស្រីបញ្ជាក់ទៀតថា សំបុត្រនោះ គឺជាសក្ខីភាពបន្ថែមនៃដំណើរការក្នុងទំនាក់ទំនងរបស់ក្រុងវ៉ាស៊ីនតោនជាមួយក្រុងព្យុងយ៉ាង។

សូមបញ្ជាក់ថា លោក ត្រាំ និងលោក គីម បានជួបគ្នានៅក្នុងជំនួបកំពូលមួយនៅក្នុងប្រទេសសិង្ហបុរី កាលពីខែមិថុនា ២០១៨ កន្លងទៅ ដោយភាគីទាំងភាគីបានសន្យាលើការរំលាយកម្មវិធីនុយក្លេអ៊ែររបស់កូរ៉េខាងជើង៕

ប្រភព៖ Channelnewsasia ប្រែសម្រួល៖ វាសនា