ក្រុមហ៊ុនអាកាសចរណ៍ដ៏ធំមួយរបស់ចិន នឹងហោះហើរត្រង់មកភ្នំពេញ នៅខែវិច្ឆិកាខាងមុខ

2018-09-11 06:15:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុនអាកាសចរណ៍ដែលមានទង់ជាតិចិន Air China នឹងបើកជើងហោះហើរត្រង់ពីប៉េកាំងទៅភ្នំពេញ ដោយចាប់ផ្តើមនៅថ្ងៃទី១ ខែវិច្ឆិកា ឆ្នាំ២០១៨ ខាងមុខនេះ ដើម្បីឆ្លើយតបទៅនឹងកំណើនទំនាក់ទំនងពាណិជ្ជកម្ម និងទេសចរណ៏រវាងប្រទេសទាំងពីរ។ នេះបើយោងតាមហ្វេសប៊ុកសម្ដេច ហ៊ុន សែន។

យន្ដហោះរបស់ក្រុមហ៊ុនអាកាសចរណ៍ Air China

ក្នុងនោះ ពាណិជ្ជកម្មទ្វេភាគីរវាងកម្ពុជា និងចិន បានកើនឡើងដល់ ៥,៨ប៊ីលានដុល្លារអាមេរិក តាមស្ថិតិឆ្នាំ២០១៧ គឺកើនឡើងប្រមាណ ២២% ធៀបនឹងឆ្នាំ២០១៦ កន្លងទៅ។ សម្រាប់ការវិនិយោគពីប្រទេសចិន រយៈពេល ៣ឆ្នាំកន្លងទៅនេះ បានកើនឡើងពីប្រមាណ ៩០០លានដុល្លារនៅឆ្នាំ២០១៦ ដល់ ១,៦ប៊ីលានដុល្លារនៅឆ្នាំ២០១៧ និងក្នុងរយៈពេល ៧ខែ ដើមឆ្នាំ២០១៨ នេះ បានកើនដល់ ២,៨ប៊ីលានដុល្លារ។

ចំណែកអ្នកទេសចរចិនទៅទស្សនាកម្ពុជាវិញ បានកើនឡើងដល់ ១,៣លាននាក់ ហើយមានក្រុមហ៊ុនអាកាសចរណ៏ចិនចំនួន ១៦ក្រុមហ៊ុន កំពុងប្រតិបត្តិការហោះហើរត្រង់ពីចិនទៅកម្ពុជា៕

អត្ថបទ៖ វាសនា