កងពលធំ-តូច ចំនួន៥ ត្រូវផ្ទេរទៅដាក់ក្រោមបញ្ជាការដ្ឋានកងទ័ពជើងគោក

2018-09-11 07:10:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្ដេចឧបនាយករដ្ឋមន្រ្តី ទៀ បាញ់ រដ្ឋមន្រ្តីក្រសួងការពារជាតិ បានសម្រេចផ្ទេរកងពលចំនួន៥ ពីអគ្គបញ្ជាការដ្ឋាន ទៅដាក់ចំណុះផ្ទាល់បញ្ជាការដ្ឋានកងទ័ពជើងគោក។ កងពលទាំង៥ នោះ មានដូចជា កងពលធំអន្តរាគមន៍លេខ២ កងពលធំអន្តរាគមន៍លេខ៣ កងពលតូចអន្តរាគមន៍លេខ១ កងពលតូចឆ័ត្រយោងពិសេស៩១១ និងកងពលតូចលេខ៧០។

សម្ដេច ទៀ បាញ់ ក្នុងពិធីប្រកាសតែងតាំងលោក ហ៊ុន ម៉ាណែត ជាមេបញ្ជាការកងទ័ពជើងគោក

ការសម្រេចនេះ បានត្រូវបានឡើងតាមរយៈប្រកាសរបស់រដ្ឋមន្រ្តីការពារជាតិ ដែលបានចុះហត្ថលេខាកាលពីថ្ងៃទី៦ ខែកញ្ញា ២០១៨ កន្លងទៅ។

សូមបញ្ជាក់ថា ការសម្រេចកាត់កងពលចំនួន៥ ពីអគ្គបញ្ជាការដ្ឋាន មកដាក់ចំណុះផ្ទាល់ក្រោមបញ្ជាការដ្ឋានកងទ័ពជើងគោកនេះ គឺក្រោយព្រះមហាក្សត្រចេញព្រះរាជក្រឹត្យតែងតាំងលោក ហ៊ុន ម៉ាណែត ជាមេបញ្ជាការកងទ័ពជើងគោក កាលពីថ្ងៃទី៦ ខែកញ្ញា ២០១៨ កន្លងទៅ៕