កម្ពុជាស្នើ AFD បន្តគាំទ្រគម្រោងអភិវឌ្ឍន៍វិស័យកសិកម្ម

2018-09-12 01:48:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងកិច្ចពិភាក្សាការងារជាមួយ លោកស្រី Florence Deram Malerbe អ្នកពិគ្រោះយោបល់ នៃភ្នាក់ងារអភិវឌ្ឍបារាំង (AFD) កាលពីថ្ងៃទី១០ ខែកញ្ញា លោកវេង សាខុន រដ្ឋមន្ត្រីក្រសួងកសិកម្ម ស្នើអង្គការ AFD បន្តគាំទ្រ ក្នុងដំណើរការអភិវឌ្ឍប្រទេសកម្ពុជា លើគម្រោងនានា ពាក់ព័ន្ធនឹងវិស័យកសិកម្ម និងជំរុញកំណើនសេដ្ឋកិច្ចជាតិ ដើម្បីសម្រេចបាននូវចក្ខុវិស័យ ប្រែក្លាយកម្ពុជាទៅជាប្រទេស មានចំណូលមធ្យមកម្រិតខ្ពស់ នាឆ្នាំ២០៣០។

លោកវេង សាខុន ស្នើឲ្យអង្គការ AFD ពិចារណាលើការរៀបចំគម្រោង ស្តីពីកសិកម្មចម្រុះ ដែលមិនផ្តោតលើតែដំណាំស្រូវ តែត្រូវបញ្ចូលនូវការចិញ្ចឹមសត្វ បន្លែ និងដំណាំ ដែលកំពុងមានសក្ដានុពលលើទីផ្សារ។ទន្ទឹម នឹងនេះ លោកក៏បានធ្វើការណែនាំមួយចំនួនទៅលើការគ្រប់គ្រង និងការប្រើប្រាស់ទឹកឲ្យមានប្រសិទ្ធភាព ចំគោលដៅ ដើម្បីកាត់បន្ថយថ្លៃដើម បង្កើនទិន្នផល និង បង្កើនប្រាក់ចំណូលទៅដល់កសិករផងដែរ។

ប៉ុន្តែលោកស្រី Florence Deram Malerbe បានស្នើឱ្យក្រសួងកសិកម្ម ធ្វើការវាយតម្លៃជាមុនសិន លើលទ្ធផលគម្រោង ដែលបានអនុវត្តរយៈពេលកន្លងមក ដើម្បីយកទៅកែសម្រួល និងបំពេញបន្ថែមធ្វើយ៉ាងណាឲ្យសកម្មភាពគម្រោងក្នុងពេលបច្ចុប្បន្ន និងអនាគត ស្របតាមចក្ខុវិស័យរបស់រាជរដ្ឋាភិបាល និងគោលនយោបាយរបស់ក្រសួងកសិកម្ម៕

ប្រភព៖ Vayo Fm ប្រែសម្រួល៖ ឈាង.