នាវា​ទ័ព​ជើងទឹក​កូរ៉េ ចូលចត​កំពង់ផែ​វៀតណាម ហើយ​គ្រោងនឹង​ធ្វើ​សមយុទ្ធ​រួមគ្នា

  • 2018-09-12 02:38:37
  • ចំនួនមតិ 0 | ចំនួនចែករំលែក 0

ចន្លោះមិនឃើញ


នាវា Munmu របស់​កងទ័ព​ជើងទឹក​កូរ៉េ​ខាងត្បូង បាន​ចូលចត​ក្នុង​កំពង់ផែ​ក្រុង​ដាណាង ប្រទេស​វៀតណាម កាលពី​ថ្ងៃទី១១ កញ្ញា ២០១៨ ដើម្បី​បំពេញ​ទស្សនកិច្ច​រយៈពេល ៣ថ្ងៃ​ក្នុង​ប្រទេស​នេះ។ ការធ្វើ​ទស្សនកិច្ច​របស់​ទ័ព​កូរ៉េខាងត្បូង​នេះ គឺ​ក្នុងគោល​បំណង​ជំរុញ​ទំនាក់ទំនង​រវាង​កងទ័ព​ជើងទឹក​នៃ​ប្រទេស​ទាំង២។

កងទ័ពជើងទឹក និងនាវាកូរ៉េខាងត្បូង ពេលទៅដល់កំពង់ផែ Tien Sa ក្រុងដាណាង ប្រទេសវៀតណាម កាលពីថ្ងៃទី១១កញ្ញា ២០១៨។ រូបថត៖ VoV

នាវា​កូរ៉េ ដែលផ្ទុក​មនុស្ស​ប្រមាណ ៣០២នាក់​នេះ នឹង​បើក​ការធ្វើ​សមយុទ្ធ​រួមគ្នា​ជាមួយ​កងទ័ព​ជើងទឹក​វៀតណាម ក្នុង​អំឡុង​ទស្សនកិច្ច​នេះ។ សមយុទ្ធ​នេះ​ផ្តោតទៅ​លើ​ការ​សង្គ្រោះ​ក្នុង​សមុទ្រ សន្តិសុខ​សមុទ្រ និងការ​ធ្វើ​នាវាចរណ៍​ជាដើម។

គួរ​រំលឹក​ថា កាលពី​ឆ្នាំមុន នាវា​របស់​កងទ័ព​កូរ៉េ​ខាងត្បូង​ចំនួន ២​គ្រឿង ក៏បាន​ធ្វើ​ដំណើរ​ទៅក្រុង​ដាណាង​ផងដែរ ដើម្បី​ប្រារព្ធខួប​២៥ឆ្នាំ នៃ​ការ​បង្កើត​ទំនាក់ទំនង​ការទូត​រវាង​ប្រទេស​ទាំង២៕

ប្រភព៖ Vietnam News ប្រែ​សម្រួល៖ សំភី

;