លោក ឃួង ស្រេង ប្រាប់ទៅស្នងការនគរបាលថ្មី ២ចំណុច

2018-09-12 06:33:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ឃួង ស្រេង អភិបាលរាជធានីភ្នំពេញ នៅថ្ងៃទី១១ ខែកញ្ញា ឆ្នាំ២០១៨ បានប្រាប់ទៅដល់ស្នងការនគរបាលរាជធានីភ្នំពេញដែលទើបនឹងតែងតាំងថ្មី លោកឧត្តមសេនីយ៍ឯក ស ថេត ត្រូវពិនិត្យឡើងវិញជុំវិញការធ្វើសៀវភៅស្នាក់នៅ និងការធ្វើអត្តសញ្ញាណប័ណ្ណជូនពលរដ្ឋក្នុងរាជធានីភ្នំពេញ ដើម្បីធានាថា ប្រជាពលរដ្ឋបានធ្វើ និងមានគ្រប់ៗគ្នា ។

លោក ឃួង ស្រេង ថ្លែងនាពេលកន្លងទៅ

លោកអភិបាលបញ្ជាក់ថា ការខិតខំប្រឹងប្រែងរបស់មន្រ្តីនគរបាល ក្នុងការបម្រើសេវាសាធារណៈជូនប្រជាពលរដ្ឋ គឺស្របទៅនឹងអ្វីដែលជាគោលនយោបាយរបស់រាជរដ្ឋាភិបាលអាណត្តិទី៦ ដែលបានដាក់ចេញ គឺធ្វើយ៉ាងណា ត្រូវខិតខំបម្រើសេវាជូនប្រជាពលរដ្ឋ ដើម្បីកុំឲ្យពួកគាត់មានការថ្នាំងថ្នាក់ ។

ជាមួយគ្នានេះ លោកក៏បានព្រមានចាត់វិធានការតាមច្បាប់កងកម្លាំង ចំពោះមន្រ្តីនគរបាលក្នុងរាជធានីភ្នំពេញណា ដែលអសកម្មក្នុងការបម្រើសេវាជូនពលរដ្ឋ។

លោកឧត្តមេសនីយ៍ឯក ស ថេត ដែលទទួលបានតំណែងជាស្នងការនគរបាលរាជធានីភ្នំពេញ

គូរបញ្ជាក់ថា លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ ត្រូវបានតែងតាំងជាស្នងការនគរបាលរាជធានីភ្នំពេញ ជំនួសលោកនាយឧត្តមសេនីយ៍ ជួន សុវណ្ណ ដែលត្រូវបានដាក់ឲ្យចូលនិវត្តន៍។

យ៉ាងណាក៏ដោយ លោកឧត្តមសេនីយ៍ ជួន សុវណ្ណ ត្រូវបានព្រះមហាក្សត្រត្រាស់បង្គាប់តែងតាំងជាអនុប្រធានអាជ្ញាធរជាតិប្រយុទ្ធប្រឆាំងគ្រឿងញៀន មានឋានៈស្មើរដ្ឋមន្រ្តី៕

ប្រភព៖ Vayo Fm ប្រែសម្រួល៖ លាភ.