៩ខែដើមឆ្នាំ២០១៨ ផ្លូវចំនួន១៥ខ្សែនៅជាយក្រុង ត្រូវបានជួសជុល

2018-09-19 23:18:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានមន្ទីរអភិវឌ្ឍន៏ជនបទរាជធានីភ្នំពេញ បានឲ្យដឹងថា ក្នុងរយៈពេល៩ខែ ក្នុងឆ្នាំ២០១៨នេះ មន្ទីរអភិវឌ្ឍន៏ជនបទរាជធានីភ្នំពេញ បានធ្វើការជួសជុល និងកែលម្អផ្លូវខូច នៅតាមខណ្ឌក្នុងរាជធានីភ្នំពេញ ឡើងវិញបានចំនួន១៥ខ្សែ ដែលមានប្រវែង៤៦៣៨០ ម៉ែត្រ នៅក្នុងរាជធានីភ្នំពេញ។

កម្លាំងចុះជួយជួសជុលផ្លូវខូចខាតមួយកន្លែង (រូបថត៖ រស្មីកម្ពុជា)

ពាក់ព័ន្ធការងារនេះ លោក គឹម វិបុល ប្រធានមន្ទីរ អភិវឌ្ឍន៏ជនបទរាជធានីភ្នំពេញ បានឲ្យដឹងកាលពីថ្ងៃទី១៨កញ្ញានេះថា ក្នុងចំណោមផ្លូវទាំង១៥ខ្សែនេះ មាន១៤ខ្សែ ស្ថិតនៅខណ្ឌពោធិសែនជ័យ និងខណ្ឌព្រែកព្នៅ ដែលមានប្រវែងប្រហែល ៤៤៨៦០ម៉ែត្រ។ ចំណែក១ខ្សែទៀត ជាផ្លូវជួសជុលបន្ទាន់ ស្ថិតនៅក្នុងខណ្ឌដង្កោ មានប្រវែង១៥២០ ម៉ែត្រ។ ផ្លូវទាំងអស់នេះ សុទ្ធសឹងជាផ្លូវដីក្រាលគ្រួសក្រហម។

លោកបានបន្ថែមថា បច្ចុប្បន្ន ផ្លូវដីគ្រួសក្រហមទាំងអស់នេះ មន្ទីរធ្វើការថែទាំជាលក្ខណៈខួប និងលក្ខណៈប្រចាំ លើផ្លូវលំ ដែលក្រសួងបានសម្រេចឲ្យធ្វើការថែទាំ៕

ប្រភព៖ រស្មីកម្ពុជា ប្រែសម្រួល៖ លាភ.