បឹងកេត កំពុងរៀបចំធ្វើទីលានបាល់ទាត់ នៅបឹងស្នោ

2018-09-20 07:56:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកស្រី ពុធ ធីតា ម្ចាស់ក្លឹបបឹងកេត បានបង្ហើបឱ្យដឹងនៅថ្ងៃទី២០កញ្ញានេះថា ក្លឹបកំពុងរៀបចំធ្វើទីលានផ្ទាល់ខ្លួន ក្នុងដំណាក់កាលដំបូង នៅបឹងស្នោ ខណ្ឌច្បារអំពៅ រាជធានីភ្នំពេញ។

ម្ចាស់ក្លឹបរូបនេះ ធ្លាប់បានប្រាប់នាពេលកន្លងមកថា បឹងកេតគ្រោងសាងសង់ទីលាន២កន្លែង គឺនៅភ្នំពេញ ជាទីលានសម្រាប់ធ្វើការហ្វឹកហាត់ ដោយសាងសង់ជាលក្ខណៈ Futsal និងទីលានសម្រាប់ប្រកួតគឺធ្វើនៅខេត្តកំពង់ចាម។ ការសង់ទីលាននេះ គឺសម្រាប់ប្រើប្រាស់ក្នុងការចូលរួមប្រកួតលីគកំពូលកម្ពុជា និង Hun Sen Cup។

រូបគំរូទីលានរបស់ក្លឹបបឹងកេត

លោកស្រី ពុធ ធីតា និយាយថា សម្រាប់ការចរចាជាមួយម្ចាស់ដីនៅកំពង់ចាមគឺក្លឹបសម្រេចថា នឹងយកហើយ ប៉ុន្តែមិនទាន់សម្រេចថា ចាប់ផ្ដើមសាងសង់នៅពេលណា ពីព្រោះមានចំណុចខ្លះមិនទាន់រួចរាល់ទាំងស្រុង។

យ៉ាងណាមិញ ព័ត៌មានលម្អិតជុំវិញការសាងសង់នេះ មិនទាន់ទទួលការបញ្ជាក់នៅឡើយ ហើយក្លឹបបឹងកេត ក៏គ្រោងធ្វើសេចក្ដីប្រកាសជាផ្លូវការក្នុងពេលឆាប់នេះផងដែរ៕