គ្រូបង្វឹក ប្រធានក្រុមជម្រើសជាតិកម្ពុជា បោះឆ្នោតឲ្យ Ronaldo, Modric ឬ Salah?

2018-09-25 02:18:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បើយោងតាមបញ្ជីរាយឈ្មោះប្រធានក្រុម គ្រូបង្វឹក និងអ្នកសារព័ត៌មាន ដែលបានចូលរួមក្នុងការបោះឆ្នោតជ្រើសរើសកីឡាករឆ្នើមប្រចាំឆ្នាំរបស់ FIFA (ឬ Best FIFA Men's Player) ក៏មានឈ្មោះប្រធានក្រុម និងគ្រូបង្វឹកក្រុមជម្រើសជាតិកម្ពុជាផងដែរ។

លោក ប្រាក់ សុវណ្ណារ៉ា កាលនៅជាគ្រូបង្គោលក្រុមជម្រើសជាតិកម្ពុជា

ការបោះឆ្នោតនេះ គឺអ្នកបោះត្រូវជ្រើសរើសកីឡាករដែលខ្លួនពេញចិត្ត ក្នុងចំណោមបេក្ខជន៣នាក់ រួចដាក់ទៅតាមលំដាប់ពី១ ដល់ ៣។ ចំពោះលំដាប់ទី១ទទួលបាន ៥ពិន្ទុ, ទី២ ទទួលបាន ៣ពិន្ទុ និងទី៣ ទទួលបាន ១ពិន្ទុ។

ធារី ចន្ថាប៊ីន លេងឲ្យក្លឹបអាជីពរបស់គេ Terengganu នៅម៉ាឡេស៊ី (រូបថត៖ Terengganu FC)

ក្នុងនោះ គេឃើញថា កីឡាករ ធារី ចន្ថាប៊ីន ប្រធានក្រុមជម្រើសជាតិ បានជ្រើសរើស Ronaldo នៅជម្រើសលំដាប់ទី១, Kylian Mbappe លំដាប់ទី២ និង Luka Modric នៅលំដាប់ទី៣។

ចំណែក លោក ប្រាក់ សុវណ្ណារ៉ា អតីតគ្រូបង្វឹកក្រុមជម្រើសជាតិកម្ពុជា បានជ្រើសរើស Luka Modric នៅលំដាប់ទី១, Antoine Griezmann លំដាប់ទី២ និង Kylina Mbappe នៅលំដាប់ទី៣។

សូមជម្រាបថា កីឡាករសញ្ជាតិក្រូអាត Luka Modric បានឈ្នះពានរង្វាន់ Best FIFA Men's Player ឆ្នាំ២០១៨ កាលពីយប់មិញ នៅក្រុងឡុងដ៍ ប្រទេសអង់គ្លេស៕