គ្រូបង្វឹក Sean Sainbury ចែកផ្លូវពីភ្នំពេញក្រោន ក្រោយដឹកនាំបាន៣១ប្រកួត

2018-10-01 06:35:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបាល់ទាត់ភ្នំពេញក្រោន បានសម្រេចចែកផ្លូវគ្នាពីគ្រូបង្វឹកឈុតធំលោក Sean Sainbury ក្រោយការដឹកនាំពេញមួយរដូវកាលក្នុងឆ្នាំ២០១៨នេះ ទាំងពានរង្វាន់លីគកំពូលកម្ពុជា និងពានរង្វាន់ Hun Sen Cup ។ នេះបើតាមវេបសាយផ្លូវការរបស់ក្លឹបបាល់ទាត់ភ្នំពេញក្រោន ដែលចុះផ្សាយនាថ្ងៃទី១ ខែតុលា ឆ្នាំ២០១៨នេះ។

លោក Sean Sainbury ចែកផ្លូវពីក្លឹបភ្នំពេញក្រោន ជាផ្លូវការ នៅថ្ងៃទី១ ខែតុលា ឆ្នាំ២០១៨

សូមបញ្ជាក់ថា គ្រូបង្វឹកជនជាតិអង់គ្លេសរូបនេះ បានដឹកនាំក្រុមភ្នំពេញក្រោនក្នុងការប្រកួតផ្លូវការដែលសរុបទាំងអស់មានចំនួន ៣១ប្រកួត ក្នុងនោះប្រកួតឈ្នះចំនួន ១៧លើក ស្មើចំនួន ៣លើក និងចាញ់ចំនួន ១១លើក។

គួររំឭកថា លោក Sean Sainsbury ត្រូវបានតែងតាំងជាគ្រូបង្គោលក្លឹប ជំនួសលោក Oleg Starynskyi កាលពីដើមរដូវកាល។ លោកជាគ្រូបង្វឹកកីឡាបាល់ទាត់ដែលមានបទពិសោធប្រមាណជា ១៨ឆ្នាំមកហើយ។ ហើយលោកថែមទាំង ធ្លាប់បានដឹកនាំក្រុមយុវជនជម្រើសជាតិថៃអាយុក្រោម ២១ឆ្នាំ ក្រុមថ្នាលយុវជននៅក្លឹប Muangthong United FC ព្រមទាំងជាគ្រូបង្គោលនៅក្លឹប Nakhon Nayok FC ក្លឹប Pattaya United នៅក្នុងប្រទេសថៃ ផងដែរ៕

អត្ថបទ៖ លាភ.