Man Utd ច្រានចោលការលើកឡើង ពាក់ព័ន្ធនឹងអ្នកចាត់ការ Jose Mourinho

2018-10-06 08:42:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមសារព័ត៌មានកីឡាដ៏ធំនៅអង់គ្លេស Sky Sports បានរាយការណ៍ថា ក្លឹបបាល់ទាត់ Manchester United នឹងមិនបណ្ដេញលោក Jose Mourinho អ្នកចាត់ការរបស់ខ្លួន ចេញពីតំណែងឡើយ។

លោក Mourinho ទះដៃ ក្រោយការប្រកួតបញ្ចប់ (រូបថត៖ AP)

ការចុះផ្សាយនៅថ្ងៃទី៦ ខែតុលា ឆ្នាំ២០១៨នេះ គឺបន្ទាប់ពីមានពាក្យចចាមអារ៉ាមលើកឡើងថា ក្រុមបិសាចក្រហម នឹងចែកផ្លូវពីលោក Jose Mourinho បន្ទាប់ពីការប្រកួតទល់នឹងក្លឹប Newcastle នៅយប់នេះ បើទោះបីជាលទ្ធផល ឈ្នះ ស្មើ ឬ ចាញ់ក៏ដោយ។

លោក Mourinho បានដឹកនាំ Man Utd ចំនួន ៤ប្រកួតចុងក្រោយ មិនទាន់ស្គាល់ពាក្យថា ឈ្នះនៅឡើយទេ ដែលនេះជាកំណត់ត្រាដ៏អាក្រក់បំផុត ក្នុងអាជីពរបស់លោក ក្នុងនាមជាអ្នកដឹកនាំក្រុមបាល់ទាត់។

បច្ចុប្បន្ន Man Utd ឈរនៅលេខ១០ មានត្រឹមតែ ១០ពិន្ទុ ក្នុង ៧ប្រកួត ដែលជាកំណត់ត្រាអាក្រក់បំផុតក្នុងរយៈពេល ២៩ឆ្នាំ។

លោក Mourinho បានជំនួសលោក Louis van Gaal ក្នុងនាមជាអ្នកចាត់ការទូទៅ Man Utd កាលពីឆ្នាំ២០១៦ ហើយលោកបានជួយឲ្យក្រុមនេះ ឈ្នះពានរង្វាន់ EFL Cup (League Cup) និង Europa League កាលពីរដូវកាល ២០១៦-១៧៕

អត្ថបទ៖ លាភ.