អាស៊ីអឺរ៉ុប គ្រោងចំណាយ ២០ម៉ឺនដុល្លារ ដើម្បីជួសជុលកីឡដ្ឋានឡើងវិញ

2018-10-17 06:18:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ផេង ចាន់ណា អ្នកចាត់ការក្លឹបបាល់ទាត់អាស៊ីអឺរ៉ុបយូណាយធីត បង្ហើបថា ក្លឹបគ្រោងស្ថាបនាកីឡដ្ឋាន AEU Sport Park របស់ខ្លួនឡើងវិញ ក្រោយរងការខូចខាត ដោយសារទឹកជំនន់កាលពីខែសីហាកន្លងទៅ។ នេះបើតាមការចុះផ្សាយរបស់គណៈកម្មការប្រកួតបាល់ទាត់ជាតិកម្ពុជា ហៅកាត់ថា CNCC នៅថ្ងៃទី១៧ ខែតុលា ឆ្នាំ២០១៨នេះ។

ជំនួយការប្រធានក្លឹបដដែលរូបនេះ បញ្ជាក់ថា ដំណើរការសាងសង់ជាថ្មីនេះ អាចនឹងចាប់ផ្ដើមនៅអំឡុងខែធ្នូខាងមុខ ដោយចំណាយលើការរៀបចំផ្លូវ និង ក្រវាត់ការពារទំនប់ បូករួមទាំងរចនាសម្ព័ន្ធខាងក្នុងទៀត អស់ប្រមាណខ្ទង់ ២០ម៉ឺនដុល្លារ។

កីឡដ្ឋាន AEU Sport Park ដែលត្រូវបានទឹកទន្លេមេគង្គជន់លិច កាលពីថ្ងៃទី១៥ ខែសីហា ឆ្នាំ២០១៨

«**សម្រាប់ព័ត៌មាន នៃការសាងសង់ស្តាតឡើងវិញនៅពេលទឹកទន្លេស្រកបន្តិច (ខែធ្នូ) គ្រោងនឹងធ្វើទំនប់ចាក់ក្រវាត់តពីរជាន់ និងរៀបឥដ្ឋព័ទ្ធជុំវិញដី ៤ហិតាហ្នឹង ខ្ពស់ជាងកម្រិតនៃការលិចទឹកឆ្នាំ២០១៨ កន្លះម៉ែត្រ ទៅមួយម៉ែត្រ ប្រហាក់ប្រហែលនឹងផ្លូវថ្នល់ខាងមុខស្តាត**»។ លោក ផេង ចាន់ណា លម្អិតបន្ថែម។

សូមជម្រាបថា កីឡដ្ឋាន AEU Sport Park មានទីតាំងនៅឃុំស្វាយជ្រំ ស្រុកខ្សាច់កណ្ដាល ខេត្តកណ្ដាល ដោយការសាងសង់ដំបូងអស់ប្រមាណជាង ៣០ម៉ឺនដុល្លារ៕