ត្រឹមរយៈពេល ១ឆ្នាំ Smart ចូលរួមចំណែកដល់សេដ្ឋកិច្ចកម្ពុជា ជាង ៣០០លានដុល្លារ!

2018-10-22 07:26:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គិតត្រឹមតែឆ្នាំ ២០១៧ ក្រុមហ៊ុន Smart Axiata បានចូលរួមចំណែកដល់សេដ្ឋកិច្ចកម្ពុជា ក្នុងទំហំទឹកប្រាក់ចំនួន ៣៣៩លានដុល្លារអាមេរិក ពោលគឺស្មើនឹង ១,៥% នៃទិន្នផលក្នុងស្រុកសរុប (GDP) របស់កម្ពុជា។ ក្រុមហ៊ុន Smart ក៏បានជួយផ្តល់ការងារជាង ៥ម៉ឺនកន្លែង នៅក្នុងសង្វាក់ប្រតិបត្តិការរបស់ក្រុមហ៊ុន។

នេះបើយោងតាមរបាយការណ៍និរន្តរភាពប្រចាំឆ្នាំ ២០១៧ របស់ក្រុមហ៊ុន Smart ដែលត្រូវបានបង្ហាញ កាលពីថ្ងៃទី១៩ ខែតុលា ឆ្នាំ២០១៨។ របាយការណ៍នេះ បានឆ្លុះបង្ហាញឲ្យឃើញពីសមិទ្ធផលសំខាន់ៗ ដែលក្រុមហ៊ុនសម្រេចបានសម្រាប់សេដ្ឋកិច្ចសង្គមជាតិកម្ពុជា ក្នុងរយៈពេលពេញមួយឆ្នាំ។

ក្របខណ្ឌការងារនិរន្តរភាពរបស់ក្រុមហ៊ុន គឺដើរស្របទៅនឹងក្របខណ្ឌរបស់ក្រុមហ៊ុន Axiata Group ដែលជាម្ចាស់ភាគហ៊ុនរបស់ក្រុមហ៊ុន ដោយគ្របដណ្ដប់លើចំណុចផ្សេងៗ ក្រោមសសរស្ដម្ភទាំង៤ ដូចខាងក្រោម៖

លើសពីប្រាក់ចំណេញរយៈពេលខ្លី៖ បង្កើតគុណតម្លៃរយៈពេលវែង តាមរយៈការវិនិយោគ ព្រមទាំងការបង្កើតនូវផលិតផល និងសេវាកម្មបែបបរិយាប័ន្ន
ការកសាងធនធានមនុស្ស៖ បណ្តុះបណ្តាលធនធានមនុស្សដែលមានទេពកោសល្យលំដាប់ពិភពលោក ដោយផ្អែកលើគុណតម្លៃស្នូលនានា ហើយផ្ដល់នូវមជ្ឈដ្ឋានធ្វើការមានភាពអំណោយផល ដែលជំរុញឲ្យមានភាពច្នៃប្រឌិត និងនវានុវត្តន៍
ដំណើរការល្អឥតខ្ចោះ៖ រៀបចំឲ្យមានការកែលម្អ និងការធ្វើអភិបាលកិច្ចលើដំណើរការអាជីវកម្ម ដើម្បីធានាឲ្យបាននូវប្រសិទ្ធភាព ក៏ដូចជាប្រសិទ្ធផលនៃដំណើរការអាជីវកម្មកាន់តែខ្ពស់ខ្ពស់ជាងមុន
ពិភពលោក និងសង្គម៖ អនុវត្តនូវកម្មវិធីនានា ក្នុងបំណងកាត់បន្ថយផលប៉ះពាល់ផ្នែកបរិស្ថាន និងបានចូលរួមចំណែកផ្នែកទំនួលខុសត្រូវសង្គមរបស់ក្រុមហ៊ុន ទៅដល់សង្គមជាតិកម្ពុជា។

ក្រុមហ៊ុន Smart បានបង់ពន្ធអាករ និងកម្រៃនានាដែលកំណត់ដោយច្បាប់ ក្នុងទំហំទឹកប្រាក់ ចំនួន ៧៦ លានដុល្លារ ដែលក្នុងនោះការបង់ពន្ធតែមួយមុខរបស់ក្រុមហ៊ុនគឺស្មើនឹង ៣% នៃចំណូលពន្ធរបស់ជាតិ។ លើសពីនេះ ក្រុមហ៊ុន Smart បានប្តេជ្ញាអនុវត្តគម្រោងផ្សេងៗ ដែលជំរុញដល់ការអភិវឌ្ឍហេដ្ឋារចនាសម្ព័ន្ធនៃវិស័យបច្ចេកវិទ្យាព័ត៌មាន និងទូរគមនាគមន៍ (ICT) ក៏ដូចជាការបណ្តុះធនធានមនុស្ស ដោយប្រើថវិកាជាង ៦,៥លានដុល្លារអាមេរិក ដែលជាវិភាគទានរបស់ក្រុមហ៊ុនក្នុងមូលនិធិកាតព្វកិច្ចសេវាកម្មជាសកល និងមូលនិធិកសាងសមត្ថភាព ការស្រាវជ្រាវ និងការអភិវឌ្ឍន៍។

លោក Thomas Hundt នាយកប្រតិបត្តិក្រុមហ៊ុន Smart Axiata បានឱ្យដឹងថាក្រុមហ៊ុនលោក នឹងបន្តអភិវឌ្ឍភាពឈានមុខគេផ្នែកសេវាអ៊ិនធឹណិតទូរស័ព្ទចល័ត និងផ្នែកកម្សាន្តស្រាប់ការរស់នៅ ហើយទន្ទឹមនឹងនេះក៏ត្រូវដើរតួនាទីសំខាន់ក្នុងការអភិវឌ្ឍប្រព័ន្ធឌីជីថលរបស់កម្ពុជាផងដែរ។ ការវិនិយោគ និងការប្តេជ្ញាចិត្តរបស់យើងចំពោះប្រទេសកម្ពុជា នៅតែមាននៅក្នុងឆ្នាំនេះ ហើយក៏នឹងនៅតែមានភាពរឹងមាំដដែល តទៅថ្ងៃអនាគត។

លោក Thomas Hundt នាយកប្រតិបត្តិក្រុមហ៊ុន Smart Axiata

សូមចុចតំណភ្ជាប់នេះ http://smart.com.kh/sustainability-report-2017/ ដើម្បីទាញយករបាយការណ៍និរន្តរភាពប្រចាំឆ្នាំ២០១៧របស់ក្រុមហ៊ុន Smart Axiata។ សម្រាប់ព័ត៌មានបន្ថែម សូមចូលទៅកាន់ទំព័រហ្វេសប៊ុករបស់ Smart ដែលមានឈ្មោះថា Smart for Cambodia ឬចូលទៅកាន់គេហទំព័រ www.smart.com.kh ៕

អត្ថបទ៖ ថា ម៉ាលីដា