Leonardo ដឹកនាំភ្នំពេញក្រោនដោយគ្មានកុងត្រា

2018-10-24 09:35:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Leonardo Vitorino មានមហិច្ឆតាដឹកនាំក្លឹបភ្នំពេញក្រោនឲ្យជោគជ័យក្លាយជាក្រុមខ្លាំងឡើងវិញ ហើយប្រសិនបើការដឹកនាំលោកមិនល្អទេ លោកសុខចិត្តដើរចេញតែម្ដង។

លោក Leonardo Vitorino គ្រូបង្វឹកថ្មីរបស់ភ្នំពេញក្រោន ក្នុងសន្និសីទសារព័ត៌មាន នៅថ្ងៃទី២៤ ខែតុលា ឆ្នាំ២០១៨

ក្នុងសន្នីសីទកាសែតមុននេះ មានគេសួរថាតើលោក Leonardo មានកុងត្រាប៉ុន្មានឆ្នាំជាមួយក្រុមភ្នំពេញក្រោន? គ្រូបង្វឹកប្រេស៊ីលរូបនេះបញ្ជាក់ថា លោកដឹកនាំក្រុម ដោយមើលទៅលើសមត្ថភាពជាក់ស្ដែង។ ប្រសិនបើការដឹកនាំរបស់លោកមិនល្អទេ នោះក្លឹបអាចចែកផ្លូវគ្នាបានគ្រប់ពេល។

ការមកដឹកនាំក្រុមនេះដែរ លោក Leo នៅតែរក្សាគោលការរបស់ខ្លួនដដែល។ លោកនឹងអភិវឌ្ឍនិងផ្ដល់ឱកាសដល់យុវជន ដើម្បីឲ្យពួកគេមានឱកាសបង្ហាញសមត្ថភាព។ ការឈ្នះពានរង្វាន់ គឺលោកចង់បានណាស់ ប៉ុន្តែឱកាសសម្រាប់ក្មេងៗ ដើម្បីអនាគត រឹតតែសំខាន់ថែមទៀត។ ការងារដំបូងរបស់លោក គឺនឹងត្រូវនាំភ្នំពេញក្រោន ទៅលេងពានរង្វាន់នៅប្រទេសថៃ ដែលមានក្រុមចូលរួមយ៉ាងច្រើន មកពីបណ្ដាប្រទេសនានា៕

ប្រភព៖ Sabay News អត្ថបទ៖ មុន្នីរម្យ