ព្រះមហាក្សត្រ ទ្រង់បានយាងឡើងគ្រងព្រះបរមរាជសម្បត្តិ ១៤ឆ្នាំហើយ

2018-10-28 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃនេះ គឺជាខួបលើកទី១៤ (២៩តុលា២០០៤-២៩តុលា២០១៨) នៃព្រះរាជពិធីបុណ្យគ្រងព្រះបរមរាជសម្បត្តិ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា។

ព្រះអង្គត្រូវបានក្រុមប្រឹក្សារាជសម្បត្តិជ្រើសតាំងជាព្រះមហាក្សត្រ បន្ទាប់ពីព្រះបាទសម្តេចព្រះនរោត្តម សីហនុ ដែលត្រូវជាព្រះបិតាព្រះអង្គ បានដាក់រាជ្យ កាលពីថ្ងៃទី៧ ខែតុលា ឆ្នាំ២០០៤។

យោងតាមច្បាប់រដ្ឋធម្មនុញ្ញ មាត្រា១៣ថ្មី ក្នុងរយៈវេលា ៧ថ្ងៃយ៉ាងយូរ ព្រះមហាក្សត្រថ្មីត្រូវបានជ្រើសរើសដោយក្រុមប្រឹក្សារាជសម្បត្តិ។ សមាសភាពនៃក្រុមប្រឹក្សារាជសម្បត្តិរួមមាន៖ ប្រធានព្រឹទ្ធសភា ប្រធានរដ្ឋសភា នាយករដ្ឋមន្រ្តី សម្តេចព្រះសង្ឃរាជ គណៈមហានិកាយ និងគណៈធម្មយុត្តិកនិកាយ អនុប្រធានទី១ និងអនុប្រធានទី២ព្រឹទ្ធសភា អនុប្រធានទី១ និងអនុប្រធានទី២រដ្ឋសភា៕