Honda Dream ២០១៩ តែមបែបថ្មម៉ាប លាយទឹកមាស ត្រូវបានសម្ពោធជាផ្លូវការ

2018-10-30 06:34:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ម៉ូតូ Honda Dream ២០១៩ ត្រូវបានក្រុមហ៊ុន NCX សម្ពោធជាផ្លូវការហើយ កាលពីថ្ងៃអាទិត្យ ទី២៨ ខែតុលាកន្លងទៅ នៅកោះពេជ្រ។

Dream 125cc ស៊េរីចុងក្រោយនេះ ត្រូវបាន Honda ផ្ដល់ឈ្មោះឲ្យថា Golden Marble TIME PROVES PRECIOUS ដោយសារតែវា ត្រូវបានរចនាឡើងដោយប្រើពណ៌មាសជាគោល បូករួមជាមួយតែមបែបថ្មម៉ាប លាយសរសៃមាស។

ម៉ូតូ Honda Dream 2019

លោក Ben Kiasrithanakorn អគ្គនាយកក្រុមហ៊ុន NCX CO., LTD ដែលជាក្រុមហ៊ុនទទួលបានសិទ្ធិដំឡើង និងចែកចាយផ្ដាច់មុខម៉ូតូម៉ាក Honda នៅកម្ពុជា បាននិយាយថា គុណសម្បត្តិពិសេសមួយរបស់ Honda Dream 125cc គឺនៅតែរក្សាកម្លាំងម៉ាស៊ីនខ្លាំងល្អ ប្រើប្រាស់ធន និងយូរអង្វែង ផ្សំជាមួយការរចនាដែលរំលេចដោយសរសៃពណ៌មាសព័ទ្ធជុំវិញផ្ទៃកុងទ័រ ព្រមទាំងផ្លាកកថ្មីពណ៌មាស។

លោក Ben Kiasrithanakorn អគ្គនាយកក្រុមហ៊ុន NCX ថ្លែងក្នុងពិធីសម្ពោធម៉ូតូ Honda Dream 2019

សម្រាប់អ្នកដែលពេញចិត្ត Honda Dream ស៊េរីចុងក្រោយនេះ អាចរកទិញបាននៅហាងលក់ម៉ូតូ Honda ទូទាំងប្រទេស ចាប់ពីថ្ងៃទី២៧ តុលា នេះតទៅ ដោយមាន ៣ ពណ៌ គឺ ខ្មៅ ក្រហម និងទឹកមាស។ ព័ត៌មានបន្ថែម ទាក់ទងលេខទូរសព្ទ 010 922 922 ឬចូលទៅវិបសាយ www.ncxhonda.com.kh៕