គ្រូម៉ាឡេស៊ី មើលឃើញកត្តាមួយដែលជំរុញទឹកចិត្តកីឡាករកម្ពុជាកាន់តែខ្លាំង

2018-11-07 06:45:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Tan Cheng Hoe គ្រូបង្គោលក្រុមបាល់ទាត់ជម្រើសជាតិម៉ាឡេស៊ី បានលើកឡើងថា លោករំពឹងក្រុមជម្រើសជាតិកម្ពុជា នឹងមានទឹកចិត្តកាន់តែខ្លាំងឡើងថែមទៀត ដោយសារតែការប្រកួតធ្វើឡើងនៅជិតថ្ងៃបុណ្យឯករាជ្យជាតិកម្ពុជា ដែលប្រព្រឹត្តទៅនាថ្ងៃទី៩ ខែវិច្ឆិកា ឆ្នាំ២០១៨។

លោក Tan Cheng Hoe គ្រូបង្គោលក្រុមម៉ាឡេស៊ី ចាប់ដៃជាមួយលោក Felix គ្រូបង្គោលកម្ពុជា ក្នុងសន្និសីទសារព័ត៌មាន នៅព្រឹកថ្ងៃទី៧ ខែវិច្ឆិកា ឆ្នាំ២០១៨

ក្រុមជម្រើសជាតិកម្ពុជា នឹងប្រកួតទល់នឹងម៉ាឡេស៊ី នៅថ្ងៃទី៨ ខែវិច្ឆិកា ឆ្នាំ២០១៨ នៅពហុកីឡដ្ឋានជាតិ ក្នុងថ្ងៃបើកឆាក វគ្គសន្សំពិន្ទុ ពូល A ពានរង្វាន់ AFF Suzuki Cup 2018 ដែលមាន១០ក្រុមចូលរួម។

ថ្លែងក្នុងសន្និសីទសារព័ត៌មាននៅព្រឹកថ្ងៃទី៧ ខែវិច្ឆិកា ឆ្នាំ២០១៨នេះ គ្រូបង្វឹកជនជាតិម៉ាឡេស៊ីខាងលើ បាននិយាយថា ក្រុមរបស់លោកនឹងមានការពិបាកពេលជួបម្ចាស់ផ្ទះ ទោះបីជាក្រុមរបស់លោកបានយកឈ្នះកម្ពុជា ក្នុងការប្រកួតមិត្តភាពអន្តរជាតិ ដោយលទ្ធផល ៣-១ កាលពីប៉ុន្មានសប្ដាហ៍កន្លងទៅក៏ដោយ។

គួរដឹងថា កម្ពុជា ស្ថិតនៅក្នុងពូល A ដែលមានម៉ាឡេស៊ី មីយ៉ាន់ម៉ា ឡាវ និងវៀតណាម៕

អត្ថបទទាក់ទង កម្ពុជា រងការបរាជ័យ ក្រោមការដឹកនាំលើកដំបូងរបស់ Honda

អត្ថបទ៖ លាភ.