គ្រូបង្គោលថា Honda នឹងធ្វើឲ្យកម្ពុជា កាន់តែល្អថែមទៀតពេលប៉ះមីយ៉ាន់ម៉ា

2018-11-12 06:37:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Felix Gonzalez Dalmas គ្រូបង្គោលក្រុមបាល់ទាត់ជម្រើសជាតិកម្ពុជាបញ្ជាក់ថា អ្នកចាត់ការ Keisuke Honda នឹងដឹកនាំក្រុមជម្រើសជាតិកម្ពុជាដោយផ្ទាល់ ហើយលោកជឿជាក់ថា អ្វីៗនឹងបានល្អប្រសើរ។ នេះបើតាមវេបសាយ គណៈកម្មការប្រកួតបាល់ទាត់ជាតិកម្ពុជា ចុះផ្សាយកាលពីថ្ងៃទី១១ ខែវិច្ឆិកា ឆ្នាំ២០១៨។

អ្នកចាត់ការ Keisuke Honda នឹងមានវត្តមានក្នុងជំនួបជាមួយម្ចាស់ផ្ទះមីយ៉ាន់ម៉ា នៅថ្ងៃចន្ទ ទី១២ វិច្ឆិកានេះ ក្នុងការប្រកួតលើកទី២ AFF Suzuki Cup ពូល A។

Honda និង Felix ដឹកនាំក្រុមជម្រើសជាតិកម្ពុជា ហ្វឹកហាត់ជាលើកដំបូង នាពេលកន្លងទៅ

លោក Felix ឲ្យដឹងបែបនេះថា៖ ***«Keisuke នឹងចូលរួមជាមួយក្នុងការប្រកួតថ្ងៃចន្ទនេះ។ គាត់តែងតែទាក់ទងមកកាន់ពួកយើង។ គាត់ដឹងពីអ្វីដែលកំពុងកើតឡើងជាមួយការហ្វឹកហាត់ហើយយើងមានទំនាក់ទំនងជាប្រចាំ។ ជាការពិតណាស់ វាល្អប្រសើរ នៅពេលដែលគាត់មកដោយផ្ទាល់ ដូច្នេះវាពិតជាល្អណាស់ដែលមានគាត់នៅទីនេះ»***។

គួររំឭកថា អ្នកចាត់ការក្រុមគោព្រៃខៀវ មិនបានចូលរួមដឹកនាំក្រុមពេលចាញ់ម៉ាឡេស៊ី នៅថ្ងៃបើកឆាក នាពហុកីឡដ្ឋានជាតិ រាជធានីភ្នំពេញ កាលថ្ងៃព្រហស្បតិ៍ ទី០៨ វិច្ឆិកា នោះទេ។ ប៉ុន្តែលោកបានចេញពីប្រទេសអូស្ត្រាលី ក្រោយបំពេញភារកិច្ចឲ្យក្លឹប Melbourne Victory ឆ្ពោះទៅមីយ៉ាន់ម៉ា នៅរាត្រីថ្ងៃអាទិត្យ ទី១១ វិច្ឆិកា ដើម្បីឲ្យទាន់ការប្រកួតថ្ងៃចន្ទនេះ៕

អត្ថបទ៖ លាភ.