ស្រីលង្កា គ្មានទាំងនាយករដ្ឋមន្រ្តី និងគណៈរដ្ឋមន្រ្តី ក្រោយសភាបោះឆ្នោតមិនទុកចិត្ត
- 2018-11-15 06:40:53
- ចំនួនមតិ 0 | ចំនួនចែករំលែក 0
ស្រីលង្កា គ្មានទាំងនាយករដ្ឋមន្រ្តី និងគណៈរដ្ឋមន្រ្តី ក្រោយសភាបោះឆ្នោតមិនទុកចិត្ត
ចន្លោះមិនឃើញ
លោក Karu Jayasuriya ប្រធានសភាស្រីលង្កា នៅថ្ងៃទី១៥ ខែវិច្ឆិកា ២០១៨នេះ បានបញ្ជាក់ថា នៅក្នុងទស្សនៈរបស់លោក ប្រទេសនេះគ្មានទាំងនាយករដ្ឋមន្រ្តី និងគណៈរដ្ឋមន្រ្តី ក្រោយសភាបោះឆ្នោតមិនផ្ដល់សេចក្តីទុកចិត្ត កាលពីថ្ងៃទី១៤ ខែវិច្ឆិកា ២០១៨ ម្សិលមិញ។
ចំណែកលោកប្រធានាធិបតីស្រីលង្កាបានបញ្ជាក់ក្នុងសំបុត្រដែលផ្ញើទៅប្រធានសភាថា លោកមិនអាចទទួលយកនូវការបោះឆ្នោតដែលមិនផ្ដល់សេចក្តីទុកចិត្តនោះទេ ខណៈប្រធានសភាហាក់ដូចជាបានបំភ្លេចធម្មនុញ្ញ នីតិវិធី និងទម្លាប់សភា។
លោកប្រធានាធិបតីស្រីលង្កា អ្នកដែលបានបង្កឲ្យមានវិបត្តិនយោបាយ បានដកតំណែងនាយករដ្ឋមន្រ្តី ចេញពីលោក Ranil Wickremesinghe ហើយតែងតាំងលោក Rajapaksa វិញ កាលពីចុងខែតុលា ២០១៨ កន្លងទៅ រំលាយសភាកាលពីសប្ដាហ៍មុន និងបញ្ជាឲ្យមានការបោះឆ្នោត ដែលជាមធ្យោបាយដោះស្រាយការជាប់គាំងនយោបាយ។
ប៉ុន្ដែតុលាការកំពូលស្រីលង្កាបានបញ្ជាឲ្យផ្អាកបទបញ្ជារបស់លោកប្រធានាធិបតីស្រីលង្កា កាលពីថ្ងៃទី១៣ ខែវិច្ឆិកា ២០១៨ កន្លងទៅ៕