វីដេអូសមាជិកសភាស្រីលង្កា វាយប្រតប់គ្នានៅក្នុងវិមានសភា

2018-11-16 04:07:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សមាជិកសភាស្រីលង្កា កាលពីថ្ងៃទី១៥ ខែវិច្ឆិកា ២០១៨ ម្សិលមិញ បានរុញច្រាន និងវាយប្រតប់គ្នានៅក្នុងវិមានសភារបស់ខ្លួន។ មន្រ្តីស្រីលង្ហាម្នាក់បានឲ្យដឹងថា "វាពិបាកកំណត់ភ្លាមៗថា នរណាវាយនរណា ប៉ុន្ដែមនុស្សជាច្រើននាក់បានរងរបួស ប៉ុន្ដែមិនធ្ងន់ធ្ងរនោះទេ"។

សមាជិកសភាស្រីលង្កាវាយប្រតប់គ្នាក្នុងវិមានសភា/ រូបភាព៖ AP

ការវាយប្រតប់គ្នានៅក្នុងសភានេះ គឺក្រោយសភាស្រីលង្កាបានបោះឆ្នោតមិនផ្ដល់សេចក្តីទុកចិត្តដល់លោកនាយករដ្ឋមន្រ្តី Mahinda Rajapakse និងគណៈរដ្ឋមន្រ្តី ដែលជ្រើសតាំងដោយលោក Maithripala Sirisena ប្រធានាធិបតីស្រីលង្កា។

សូមបញ្ជាក់ថា ប្រទេសស្រីលង្កាបានធ្លាក់ចូលក្នុងវិបត្តិនយោបាយ ក្រោយលោកប្រធានាធិបតីស្រីលង្កា បានដកលោក Ranil Wickremesinghe ចេញពីតំណែងនាយករដ្ឋមន្រ្តី ហើយជ្រើសតាំងលោក Mahinda Rajapakse ឲ្យមកកាន់តំណែងនេះជំនួសវិញ ចាប់តាំងពីចុងខែតុលា ២០១៨។ ប៉ុន្ដែមកដល់ពេលនេះ លោក Mahinda Rajapakse និងគណៈរដ្ឋមន្រ្តីរបស់លោក មិនទាន់ទទួលបានការបោះឆ្នោតផ្ដល់សេចក្តីទុកចិត្តពីសភានៅឡើយទេ៕

វីដេអូសមាជិកសភាស្រីលង្កាវាយប្រតប់គ្នាក្នុងវិមានសភា

ប្រភព៖ Channelnewsasia ប្រែសម្រួល៖ វាសនា