វីដេអូ១ បង្ហាញពីទិដ្ឋភាពក្នុងទីលានពហុកីឡដ្ឋានជាតិមរតកតេជោដែលកំពុងសាងសង់

2018-11-17 01:56:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមទំព័រហ្វេសប៊ុកផ្លូវការឈ្មោះ "ពហុកីឡដ្ឋានជាតិមរតកតេជោ Morodok Techo National Stadium” បានឲ្យដឹងកាលពីយប់ថ្ងៃទី១៦ ខែវិច្ឆិកា ឆ្នាំ២០១៨ថា ដំណើរការសាងសង់កីឡដ្ឋានជាតិមរតកតេជោ បានសម្រេចប្រមាណជា ៣០% ហើយ។

ប្រភពដដែលបន្តថា ការសាងសង់នឹងរួចរាល់ជាស្ថាពរតាមកាលកំណត់នៅចុងឆ្នាំ២០២០ ដើម្បីត្រៀមខ្លួនធ្វើជាម្ចាស់ផ្ទះព្រឹត្តិការណ៍កីឡាស៊ីហ្គេម ២០២៣ ។

លោក ថោង ខុន រដ្ឋមន្ត្រីក្រសួងទេសចរណ៍ ចុះពិនិត្យការដ្ឋានសាងសង់ពហុកីឡដ្ឋានជាតិមរតកតេជោ នាពេលកន្លងទៅ

ការកសាងពហុកីឡដ្ឋានជាតិនេះ កំពុងស្ថិតក្នុងដំណាក់កាលទី២ បន្ទាប់ពីដំណាក់កាលទី១ ដែលមានអាងហែលទឹក និង Indoor Stadium (សង្វៀនប្រដាល់ បាល់ទះ បាល់បោះជាដើម) ត្រូវបានកសាងរួចរាល់កាលពីឆ្នាំ២០១៧។ ការកសាងដំណាក់កាលទី២នេះ (ទីលានបាល់ទាត់) គ្រោងនឹងបញ្ចប់នៅឆ្នាំ ២០២០។ ហើយបន្ទាប់ពីចប់ដំណាក់កាលទី២ ទើបចាប់ផ្ដើមដំណាក់កាលទី៣។

សូមបញ្ជាក់ថា ពហុកីឡដ្ឋានជាតិថ្មីនេះ ត្រូវបានកសាងឡើងក្រោមជំនួយឥតសំណងរបស់ចិន ចំនួនប្រមាណ ១៥៧លានដុល្លារ លើផ្ទៃដី ៨៥ហិកតា ក្នុងសង្កាត់បាក់ខែង ខណ្ឌជ្រោយចង្វារ (ផ្លូវលីយ៉ុងផាត់)៕

ទស្សនាវីដេអូខាងក្រោម

អត្ថបទ៖ លាភ.