ប៉ាក់គីអៅ ព្រមឡើងសង្វៀនជាថ្មី នៅដើមឆ្នាំ២០១៩

2018-11-20 03:05:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ដេចប្រដាល់ហ្វីលីពីន ម៉ានី ប៉ាក់គីអៅ បានប្រកាសកាលពីថ្ងៃទី១៩វិច្ឆិកាថា ខ្លួននឹងឡើងការពារខ្សែក្រវាត់ពិភពលោក WBA របស់ខ្លួន លើសង្វៀនទល់នឹងកីឡាករ Adrien Broner នៅក្រុង Las Vegas សហរដ្ឋអាមេរិក នាថ្ងៃទី១៩ ខែមករា ឆ្នាំ២០១៩ខាងមុខនេះ។

ថ្លែងក្នុងសន្និសីទសារព័ត៌មាននៅក្រុង New York ប៉ាក់គីអៅ ដែលមានវ័យ ៣៩ឆ្នាំ នឹងត្រូវប៉ះ Broner នៅសង្វៀន MGM Grand Garden Arena ។

ប៉ាក់គីអៅ និង Adrien Broner ជួបគ្នាក្នុងសន្និសីទសារព័ត៌មាន នៅក្រុង Las Vegas សហរដ្ឋអាមេរិក កាលពីថ្ងៃទី១៩ វិច្ឆិកា ឆ្នាំ២០១៨ (រូបថត៖ AFP)

សូមជម្រាបថា ខ្សែក្រវាត់របស់ ប៉ាក់គីអៅ បានមកពីជ័យជម្នះលើអ្នកប្រដាល់អាហ្សង់ទីន Lucas Matthysse លើសង្វៀនប្រដាល់នៅក្រុងកូឡាឡាំពួរ ប្រទេសម៉ាឡេស៊ី កាលពីខែកក្កដា កន្លងទៅ។

ប៉ាក់គីអៅ ដែលចាប់ផ្ដើមអាជីពប្រដាល់កាលពីឆ្នាំ១៩៩៥ នឹងឈានចូលវ័យ៤០ឆ្នាំ នៅខែធ្នូខាងមុខនេះ។ ប៉ាក់គីអៅ ប្រកួតឈ្នះ៦០ ចាញ់៧ និងស្មើ ២ វាយគូប្រកួតឲ្យសន្លប់ ៣៩លើក ខណៈ Broner អ្នកប្រដាល់ជនជាតិអាមេរិក ប្រកួតឈ្នះ៣៣ ចាញ់៣ និងស្មើ១ វាយគូប្រកួតឲ្យសន្លប់ចំនួន ២៤លើក៕

ប្រភព៖ Channelnewsasia ប្រែសម្រួល៖ លាភ.