អុំទូក៣ថ្ងៃ៖ ភ្ញៀវដើរកម្សាន្តនៅទូទាំងប្រទេសមានជាង ៥,៤លាននាក់

2018-11-25 01:27:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ថោង ខុន រដ្ឋមន្រ្តីក្រសួងទេសចរណ៍ បានថ្លែងបញ្ជាក់ឲ្យដឹងកាលពីថ្ងៃទី២៤ ខែវិច្ឆិកា ឆ្នាំ២០១៨ថា ក្នុងអំឡុងថ្ងៃឈប់សម្រាកនៃព្រះរាជពិធីបុណ្យអុំទូក រយៈពេល៣ថ្ងៃ (២១-២៣ ខែវិច្ឆិកា ឆ្នាំ២០១៨) ភ្ញៀវទេសចរ ដែលដើរកម្សាន្តនៅទូទាំងប្រទេសមានចំនួនជាង ៥,៤៣លាននាក់ ក្នុងនោះទេសចរអន្តរជាតិប្រមាណ៩,៥ ម៉ឺននាក់។

ភ្ញៀវដែលដើរកម្សាន្តតាមរមណីយដ្ឋានទេសចរណ៍នានា ក្នុងបណ្តាខេត្តទូទាំងប្រទេស មានចំនួនសរុបប្រមាណ៩២,៥ម៉ឺននាក់ ក្នុងអត្រាកំណើនប្រមាណ១៥,៦% ខណៈរាជធានីភ្នំពេញមានចំនួន ៤,៥លាននាក់ កើនឡើងជិត៥០%។

ប្រជាពលរដ្ឋ និងភ្ញៀវទេសចរ ដែលចូលរួមទស្សនាព្រះរាជពិធីបុណ្យអុំទូក ក្នុងរាជធានីភ្នំពេញ

១. ភ្ញៀវទេសចរដើរលេងកម្សាន្តតាមបណ្តាខេត្តនានាទូទាំងប្រទេសក្នុងនោះរួមមាន៖ (មិនបូកបញ្ចូលរាជធានីភ្នំពេញទេ)

-ភ្ញៀវជាតិប្រមាណ ៨៤,២ ម៉ឺននាក់ ក្នុងអត្រាកំណើន ១៥,៣%

-ភ្ញៀវអន្តរជាតិប្រមាណ ៨,៣ ម៉ឺននាក់ ក្នុងអត្រាកំណើន ១៨,៥%។

២. សម្រាប់រាជធានីភ្នំពេញ

តាមរបាយការណ៍របស់គណៈកម្មាធិការជាតិរៀបចំបុណ្យជាតិ-អន្តរជាតិ ក្នុងចំណោមបងប្អូនប្រជាពលរដ្ឋប្រមាណ ៤,៥លាននាក់ បានចូលមកទស្សនាព្រះរាជពិធីបុណ្យអុំទូកនៅរាជធានីភ្នំពេញ ក្នុងនោះមានភ្ញៀវទេសចរអន្តរជាតិប្រមាណ១,២ម៉ឺននាក់៕