កម្ពុជា ទទួលបានចំណូលពីកៅស៊ូជិត ២២០លានដុល្លារ ក្នុងរយៈពេល១០ខែ

2018-11-26 04:02:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គិតត្រឹមរយៈពេល១០ខែឆ្នាំ២០១៨នេះ កម្ពុជាបាននាំចេញជ័រកៅស៊ូ ជាង១៦ម៉ឺនតោន ទទួលបានចំណូល២១៨លានដុល្លារ។ ចំនួននេះកើនឡើង២៣% បើធៀបនឹងរយៈពេលដូចគ្នា កាលពីឆ្នាំ២០១៧។ នេះបើតាមរបាយការណ៍ របស់អគ្គនាយកដ្ឋានកៅស៊ូ ផ្សព្វផ្សាយនៅថ្ងៃទី២៦ ខែវិច្ឆិកានេះ។

យ៉ាងណាមិញ របាយការណ៍បានបញ្ជាក់ថា ក្នុងរយៈពេល១០ខែនេះ តម្លៃកៅស៊ូបានធ្លាក់ចុះ ក្នុងកម្រិត ១,៣៥៥ដុល្លារក្នុង១តោន គឺធ្លាក់ចុះប្រមាណ១៨%។

កម្មករម្នាក់កំពុងចៀរជ័រកៅស៊ូ ក្នុងចម្ការកៅស៊ូមួយកន្លែង

សូមបញ្ជាក់ថា កៅស៊ូរបស់កម្ពុជា ត្រូវបាននាំចេញទាំងស្រុង ទៅកាន់ប្រទេសវៀតណាម ម៉ាឡេស៊ី សិង្ហបុរី ចិន និងកូរ៉េខាងត្បូង។ បច្ចុប្បន្នកម្ពុជាមានផ្ទៃដីដាំដុះកៅស៊ូ ចំនួនជិត៤៣ម៉ឺនហិកតា ក្នុងផ្ទៃដីដែលចៀរជ័របានមាន២០ម៉ឺនហិតកា ស្មើនឹង៤៧% និងផ្ទៃដីថែទាំជាង២២ម៉ឺនហិកតា ស្មើនឹង៥៣%៕

ប្រភព៖ Vayo Fm ប្រែសម្រួល៖ សំភី