វៀតណាម របូតគ្រាប់បាល់លើកដំបូង ក្នុងពាន AFF Suzuki Cup 2018

2018-12-03 01:44:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិវៀតណាម ត្រូវបានបំប៉ោងសំណាញ់ទីបានសម្រេច ដោយក្រុមជម្រើសជាតិហ្វីលីពីន ក្នុងការប្រកួតជើងទី១ វគ្គពាក់កណ្ដាលផ្តាច់ព្រ័ត្រ ពានរង្វាន់ AFF Suzuki Cup 2018 កាលពីយប់មិញ ដែលបញ្ចប់ដោយលទ្ធផល ២-១។

សកម្មភាពការប្រកួតរវាងម្ចាស់ផ្ទះ ហ្វីលីពីន និង វៀតណាម (រូប៖ AFF Suzuki Cup)

ក្នុងការប្រកួតនៅទឹកដីហ្វីលីពីន វៀតណាម បានរបូតគ្រាប់បាល់លើកដំបូងរបស់ខ្លួន ក្នុងព្រឹត្តិការណ៍នេះ បន្ទាប់ពីខ្សែបម្រើហ្វីលីពីនមកពីក្លឹប Ceres គឺកីឡាករ Patirck Reichelt ជាអ្នកស៊ុតឲ្យហ្វីលីពីនតាមស្មើវៀតណាម ក្នុងតង់ទី១។ ចំណែក ២គ្រាប់របស់វៀតណាម ធ្វើបានដោយកីឡាករ Nguyen Anh Duk និង Van Duc Phan ។

សូមជម្រាបថា វៀតណាមជាក្រុមតែមួយគត់ ដែលមិនរបូតគ្រាប់បាល់ ក្នុងវគ្គសន្សំពិន្ទុ ដោយស៊ុតទៅលើគូប្រកួតបាន ៨គ្រាប់ ក្នុងនោះ ស៊ុតលើឡាវ ៣គ្រាប់ ម៉ាឡេស៊ី ២គ្រាប់ និង កម្ពុជា ៣គ្រាប់។

ការប្រកួតជើងទី២ វគ្គពាក់កណ្ដាលផ្តាច់ព្រ័ត្រ វៀតណាម នឹងទទួលស្វាគមន៍ក្រុមហ្វីលីពីន នៅទឹកដីរបស់ខ្លួន នៅថ្ងៃទី៥ ខែធ្នូ ឆ្នាំ២០១៨។

ដោយឡែក ម៉ាឡេស៊ី និងថៃ បានប្រកួតស្មើគ្នា ០-០ នៅទឹកដីម៉ាឡេស៊ី ក្នុងជើងទី១ កាលពីថ្ងៃទី១ ខែធ្នូ ឆ្នាំ២០១៨៕

ទស្សនាវីដេអូ

អត្ថបទ៖ លាភ.