ក្រុមហ៊ុនកៅស៊ូវៀតណាម បច្ចុប្បន្នមានចំនួនប៉ុន្មាន នៅកម្ពុជា?

2018-12-05 02:40:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក សេង សក្កា ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានការងារ បានមានប្រសាសន៍ថា ដោយមានកិច្ចសហការវិនិយោគរវាងប្រទេសទាំងពីរ កម្ពុជា វៀតណាម ក្នុងនោះសម្ព័ន្ធឧស្សាហកម្មកៅស៊ូវៀតណាមប្រចាំកម្ពុជា មានប្រមាណជា ១៩ក្រុមហ៊ុន ដែលកំពុងធ្វើប្រតិបត្តិការវិនិយោគលើការដាំដុះដំណាំ កសិ-ឧស្សាហកម្ម កៅស៊ូនៅលើផ្ទៃដីប្រមាណជា ១០ម៉ឺនហិកតា នៅកម្ពុជា។

កម្មករ កំពុងជៀរជ័រកៅស៊ូ នៅចម្ការកៅស៊ូមួយកន្លែង នៅខេត្តកំពង់ចាម

ប្រសាសន៍របស់លោក សេង សក្កា បានធ្វើឡើងក្នុងសិក្ខាសាលាផ្សព្វផ្សាយការអនុវត្តច្បាប់ ស្តីពីការងារ និងលិខិត បទដ្ឋានគតិយុត្តនានា កាលពីព្រឹកថ្ងៃទី៤ ខែវិច្ឆិកា ឆ្នាំ២០១៨ នៅសណ្ឋាគារភ្នំពេញ។

លោក សេង សក្កា បានឲ្យដឹងដែរថា ក្រុមហ៊ុនវៀតណាម ដែលកំពុងធ្វើប្រតិបត្តិការវិនិយោគលើការដាំដុះដំណាំកសិ-ឧស្សាហកម្ម កៅស៊ូនៅលើផ្ទៃដីប្រមាណជា១០ម៉ឺនហិកតា មានទីតាំងស្ថិតក្នុងខេត្ត៧ រួមមាន៖ ខេត្តកំពង់ធំ ព្រះវិហារ សៀមរាប ឧត្តរមានជ័យ ក្រចេះ មណ្ឌលគីរី និងខេត្តរតនគីរី ដែលបានចំណាយដើមទុនប្រមាណជា ៨០០ លានដុល្លារអាមេរិក។

សូមបញ្ជាក់ថា បច្ចុប្បន្ន បណ្តាក្រុមហ៊ុនឧស្សាហកម្មកៅស៊ូទាំង១៩ក្រុមហ៊ុននោះ បានប្រើប្រាស់កម្លាំងពលកម្មក្នុងស្រុកប្រមាណជា ១ម៉ឺន ៥ពាន់នាក់ និងបន្តតម្រូវការកម្មកររហូតជាង ៤ម៉ឺននាក់ទៀតក្នុងឆ្នាំ២០២០៕

អត្ថបទ៖ លាភ.