ម៉ាឡេស៊ី ស៊ើបអង្កេត​រឿង​អ្នក​ទិញ​សំបុត្រ​មើល​បាល់ទាត់ តែ​អត់​មាន​កន្លែង​អង្គុយ

  • 2018-12-13 04:16:35
  • ចំនួនមតិ 0 | ចំនួនចែករំលែក 0

ចន្លោះមិនឃើញ


សហព័ន្ធ​កីឡា​បាល់ទាត់​ម៉ាឡេស៊ី ហៅកាត់ FAM បាន​ចេញ​សេចក្ដីថ្លែងការណ៍​ឲ្យ​ដឹង​ថា FAM នឹង​បើក​ការ​ស៊ើប​អង្កេត​លើ​ករណី​ចំនួន​អ្នក​ទស្សនា​ច្រើន​ហួស​កំណត់ នៅ​កីឡដ្ឋាន Bukit Jalil ក្រុង​កូឡាំឡាំពួរ ប្រទេស​ម៉ាឡេស៊ី កាលពី​ប្រកួត​ជើងទី១ វគ្គ​ផ្តាច់ព្រ័ត្រ ពានរង្វាន់ AFF Suzuki Cup 2018 រវាង​ម៉ាឡេស៊ី និង​វៀតណាម។

អ្នកគាំទ្រវៀតណាម អង្គុយក្រៅរបង
ក្នុង​បណ្ដាញ​ទំនាក់ទំនង​សង្គម អ្នកគាំទ្រ​ខាង​ក្រុម​ភ្ញៀវ វៀតណាម ជា​ច្រើន​បាន​តវ៉ា ពី​បញ្ហា​មាន​សំបុត្រ​ទស្សនា​ តែ​មិន​មាន​កន្លែង​អង្គុយ ក្នុង​ការ​ប្រកួត​ដែល​បាន​ធ្វើឡើង​កាល​ពី​ថ្ងៃ​ទី១១ ខែ​ធ្នូ ។ មិន​តែ​ប៉ុណ្ណោះ​ អ្នក​គាំទ្រ​ខ្លះ ដែល​មាន​សំបុត្រ មិន​អាច​ចូល​ក្នុង​កីឡដ្ឋាន​បាន​នោះ​ទេ​។

FAM បាន​បញ្ជាក់​ថា ខ្លួន​នឹង​សហការ​ជាមួយ​ប៉ូលិស ស៊ើប​អង្កេត​លើ​បញ្ហា​ពាក់ព័ន្ធ​នឹង​ចំនួន​អ្នកទស្សនា​ផ្ទាល់ ខាង​ក្រុម​ភ្ញៀវ មាន​ច្រើន​ជាង​ចំនួន​សំបុត្រ​ដែល​ត្រូវ​បាន​លក់។

FAM បាន​ឲ្យ​ដឹង​ថា ជា​ធម្មតា កៅអី​សម្រាប់​ក្រុម​អ្នកគាំទ្រ ខាង​ភ្ញៀវ មាន​ចំនួន ៦​ពាន់​កៅអី នៅ​កីឡដ្ឋាន Bukit Jalil ប៉ុន្តែ​សហព័ន្ធ​កីឡា​បាល់ទាត់​វៀតណាម បាន​ប្រកាស​ថា កៅអី​ជាក់ស្ដែង​កាលពី​ប្រកួត​នោះ មាន​តែ​ប្រមាណ ៣៥០០​កៅអី​ប៉ុណ្ណោះ​៕

អ្នកគាំទ្រវៀតណាម
អ្នកគាំទ្រវៀតណាម ផ្លោះរបងចូលកន្លែងអង្គុយទស្សនា

ប្រភព៖ Fox Sports Asia ប្រែ​សម្រួល៖ លាភ.

;