លោក Ole Gunnar Solskjaer អ្នកចាត់ការ​បណ្ដោះអាសន្ន​របស់​ក្រុម​បិសាច​ក្រហម Manchester United បាន​ដឹកនាំ​ឲ្យ​កូន​ក្រុម​ទទួល​បាន​ជ័យជម្នះ​ចំនួន ៨​ប្រកួត​ជាប់​ៗ​គ្នា​ ចាប់​តាំង​ពី​លោក​ចូល​មក​ដឹកនាំ។ ក្នុង​នោះ ​លោក​ជួយឲ្យ Man Utd ឈ្នះ​ ៦​ប្រកួត​នៅ​​លីគ​កំពូល​អង់គ្លេស និង​ ២ប្រកួត​នៅ​ពាន​រង្វាន់ FA Cup​។

ប្រសិនបើ អ្នកចាត់ការ​សញ្ជាតិ​ន័រវែស​នេះ អាច​ជួយ​ឲ្យ Man Utd បាន​៣ពិន្ទុ ពី​ក្រុម Burnley ក្នុង​ការ​ប្រកួត​យប់​នេះ លោក​នឹង​បំបែក​កំណត់​ត្រា​មិន​គួរ​ឲ្យ​ជឿ​មួយ​របស់​លោក Pep Guardiola ដែល​ជា​អ្នកចាត់ការ​ថ្មី ដឹក​នាំ​ក្នុង ៧ប្រកួត​ដំបូង​នៅ​លីគ​កំពូល​អង់គ្លេស (English Premier league) ឈ្នះ​ជាប់​​គ្នា​ទាំង​ ៧​ប្រកួត​។

លោក Pep Guardiola អ្នកចាត់ការ​ក្លឹប Manchester City និង​លោក Carlo Ancelotti ជា​អ្នកចាត់ការ​ដែល​ចូល​ដឹកនាំ​ដំបូង ឈ្នះ​ចំនួន ៦​ប្រកួត​ជាប់ៗ​គ្នា​ នៅ​ក្របខណ្ឌ ​English Premier League។

Man Utd នឹង​បើកទ្វារ​កីឡដ្ឋាន​របស់​ខ្លួន ស្វាគមន៍​ Burnley ក្នុងជំនួបសប្ដាហ៍ទី​ ២៤ វេលាម៉ោង ៣ព្រឹក ឈានចូលថ្ងៃទី៣០ ខែ​មករា ឆ្នាំ​២០១៩​៕