កាតា ឡើងទៅវគ្គផ្តាច់ព្រ័ត្រ Asian Cup តែអ្នកគាំទ្រអារ៉ាប់រួមគប់ដបទឹក ស្បែកជើង មិនប្រណីដៃ

2019-01-30 01:50:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិកាតា បានទម្លាក់ក្រុមម្ចាស់ផ្ទះ អារ៉ាប់រួម ក្នុងការប្រកួតវគ្គពាក់កណ្ដាលផ្តាច់ព្រ័ត្រ ពានរង្វាន់ AFC Asian Cup 2019 បន្ទាប់ពីយកឈ្នះដោយលទ្ធផល ៤-០ ។ យ៉ាងណាក៏ដោយ អ្នកគាំទ្ររបស់ម្ចាស់ផ្ទះ បានបង្ហាញការមិនពេញចិត្ត ដោយបានគប់ដបទឹក ស្បែកជើង និងវត្ថុផ្សេងៗ ចូលទីលានប្រកួត តម្រង់រកកីឡាករកាតា ដែលអបអរគ្រាប់បាល់របស់ពួកគេ។

សកម្មភាពរបស់អ្នកគាំទ្រអារ៉ាប់រួមនេះ មិនបានបង្ករបួសស្នាមទៅលើកីឡាករក្នុងទីលានម្នាក់ណាមួយឡើយ។

កាតា និង អារ៉ាប់រួម ជាប្រទេសពីរ ដែលកំពុងមានទំនាស់គ្នាលើបញ្ហានយោបាយ។

កាតា បើកការនាំមុខតាំងពីនាទី២២ ដោយខ្សែការពារ Boualem Khoukhi បន្ទាប់មកខ្សែប្រយុទ្ធ Ali Almoez រកគ្រាប់ទី២ នៅនាទី៣៧។ ក្នុងតង់ទី២ ក្រុមភ្ញៀវរកបន្ថែម ២គ្រាប់ទៀត នៅនាទី៨០ និង ៩០+៣ ដោយខ្សែបម្រើ Hasan Al Haydos និង ខ្សែការពារ Hamid Ismaeil ។

កាតា ត្រូវឡើងទៅជួបក្រុមជម្រើសជាតិជប៉ុន នៅវគ្គផ្តាច់ព្រ័ត្រ នាថ្ងៃទី១ ខែកុម្ភៈ ឆ្នាំ២០១៩ វេលាម៉ោង ៩ យប់ (ម៉ោងនៅកម្ពុជា) ៕