ហង្ស សូរីយ៉ាន់ ត្រៀមចេញដំណើរទៅប្រកួតបវរកញ្ញា Miss Global ២០១៩
- 2019-01-30 09:00:36
- ចំនួនមតិ 0 | ចំនួនចែករំលែក 0
ហង្ស សូរីយ៉ាន់ ត្រៀមចេញដំណើរទៅប្រកួតបវរកញ្ញា Miss Global ២០១៩
ចន្លោះមិនឃើញ
កញ្ញា ហង្ស សូរីយ៉ាន់ អតីតបេក្ខភាព Cambodia's Next Top Model ចំណាត់ថ្នាក់លេខ ៤ និងជាតារាម៉ូដែលកំពុងល្បីល្បាញ ត្រូវបានជ្រើសរើសជាតំណាងបរកញ្ញា Miss Global Cambodia ដែលនឹងចូលរួមកម្មវិធីប្រកួតសម្រស់នេះនៅប្រទេសហ្វីលីពីន នាដើមខែ កុម្ភៈ ឆ្នាំ ២០១៩ នេះហើយ។
តាមរយៈបទសម្ភាសជាមួយ Sabay កញ្ញា ហង្ស សូរីយ៉ាន់ នឹងចេញដំណើរពីប្រទេសកម្ពុជា ទៅប្រកួតពានរង្វាន់ Miss Global ២០១៩ ដែលប្រព្រឹត្តិទៅនៅប្រទេស ហ្វីលីពីន ថ្ងៃទី ៣១ ខែ កុម្ភៈ ឆ្នាំ២០១៩ ដោយកញ្ញា សង្ឃឹមថា នឹងនាំយកភាពជោគជ័យត្រឡប់មកប្រទេសកម្ពុជាវិញ។
តារាម៉ូដែលវ័យ ២៣ ឆ្នាំរូបនេះ និយាយថា៖ «នាងខ្ញុំមានសង្ឃឹម ១០០ភាគរយ លើការឈ្នះ ពីព្រោះនាងខ្ញុំជឿជាក់លើខ្លួនឯង ហើយដោយធ្លាប់បានឆ្លងកាត់រឿងជាច្រើន ធ្វើឱ្យជីវិតនាងខ្ញុំរឹងមាំ មកដល់ថ្ងៃហ្នឹង...»។
ក្នុងបទសម្ភាសនេះដែរ លោក ហួរ រ៉េមី ដែលជាអ្នកដឹកនាំកញ្ញា ហង្ស សូរីយ៉ាន់ ទៅប្រកួតបវរកញ្ញានេះ ក៏មានភាពជឿជាក់លើសមត្ថភាពកញ្ញា សូរីយ៉ាន់ ដោយបទពិសោធធ្វើការជាមួយកញ្ញាជាច្រើនកម្មវិធី ហើយកញ្ញាផ្ទាល់ក៏មានលក្ខណៈសម្បត្តិគ្រប់គ្រាន់ មានភាពជឿជាក់ខ្ពស់ជាមួយកម្មវីធីប្រកួតលំដាប់អន្តរជាតិមួយនេះផងដែរ។
គួរបញ្ជាក់ថា កម្មវីធីប្រកួតបវរកញ្ញា Miss Global ជាកម្មវីធីប្រកួតបរវកញ្ញាលក្ខណៈអន្តរជាតិ មានការចូលរួមច្រើនជាង ៦០ប្រទេសចូលរួម និងត្រូវធ្វើការប្រកួតវិលជុំបណ្តាលប្រទេសសមាជិក។ កម្មវិធីនេះ ធ្លាប់ធ្វើការប្រកួតកាលពីចុងឆ្នាំ២០១៧ ដែលកញ្ញា យស បូលីណា ធ្លាប់តំណាងឱ្យកម្ពុជា ប្រឡងរួចម្តងនៅកម្ពុជា៕