មហាសេដ្ឋី Bill Gates៖ ខ្ញុំមិនសមមានឡើយ

2019-02-14 09:26:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មហាសេដ្ឋី Bill Gates បានថ្លែងថា លោកមិនសក្ដិសម មានទ្រព្យសម្បតិ្តដូចសព្វថ្ងៃនេះឡើយ ហើយលោកគួរតែត្រូវបានគេតម្រូវឲ្យបង់ពន្ធច្រើនជាងនេះ។ ការថ្លែងរបស់ម្ចាស់ក្រុមហ៊ុន Microsoft នេះ ត្រូវបានធ្វើឡើងក្នុងកិច្ចសម្ភាសជាមួយសារព័ត៌មាន Daily Mail កាលពីថ្ងៃទី១១ ខែកុម្ភៈ ឆ្នាំ២០១៩។

អ្នកបង្កើតក្រុមហ៊ុន Microsoft កាលពីឆ្នាំ១៩៧៥រូបនេះ បានមានប្រសាសន៍ដូច្នេះថា៖ «ខ្ញុំមិនសក្ដិសមនឹងអ្វីដែលខ្ញុំមានឡើយ។ គ្មាននរណាម្នាក់សក្ដិសមឡើយ។ វាបានមកដោយសារតែពេលវេលា សំណាង និងមនុស្សដែលខ្ញុំបានធ្វើការជាមួយប៉ុណ្ណោះ។ ខ្ញុំបានខិតខំប្រឹងប្រែងធ្វើការ ហើយ Software បានផ្ដល់នូវអត្ថប្រយោជន៍សម្រាប់ខ្ញុំ ក៏ប៉ុន្តែខ្ញុំក៏ទទួលបានផលប្រយោជន៍ពីរចនាសម្ព័ន្ធមួយផងដែរ។ ខ្ញុំគិតថា ការចែកលុយទៅឲ្យកូនៗរបស់ខ្ញុំ មិនមែនជារឿងល្អសម្រាប់ពួកគេ ឬសង្គមនោះទេ»។

លោក Gates ដែលមានវ័យ៦៣ឆ្នាំ បន្តថា៖ «ខ្ញុំបានបង់ពន្ធជាង ១០ពាន់លានដុល្លារ ប៉ុន្តែខ្ញុំគួរតែបង់ច្រើនជាងនេះ។ ខ្ញុំគោរពច្បាប់ណាស់ តែខ្ញុំគិតថា អ្វីៗគួរតែមានដំណើរការបន្តទៅមុខទៀត»។

សូមជម្រាបថា លោក Bill Gates មានទ្រព្យសម្បត្តិប្រហែលជាង ៩៣ពាន់លានដុល្លារអាមេរិក ហើយលោក និងភរិយារបស់លោក បានបង្កើតមូលនិធិ Bill & Melinda Gates ដើម្បីជួយដល់ជនក្រីក្រ នៅក្នុងប្រទេសមួយចំនួន៕

ប្រភព៖ Dailymail ប្រែសម្រួល៖ លាភ.