Man Utd លាតត្រដាងលុយសំណង ពីការបណ្ដេញ Mourinho

2019-02-15 04:23:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីបានបណ្ដេញលោក Jose Mourinho ពីតួនាទីអ្នកចាត់ការទូទៅកាលពីខែធ្នូកន្លងទៅ ពេលនេះក្លឹបបិសាចក្រហម Manchester United បានចេញមកបញ្ជាក់ពីតម្លៃសំណងដែលក្លឹបបានផ្ដល់ទៅឲ្យបុរសសញ្ជាតិព័រទុយហ្គាល់រូបនេះ គឺចំនួន ១៩,៦លានផោន (ជាង ២៥លានដុល្លារអាមេរិក)។

អតីតអ្នកចាត់ការដែលមានរហស្សនាមថា The Spacial One ត្រូវបានប្រធានក្លឹបបិសាចក្រហម សម្រេចបញ្ឈប់ពីតួនាទី បន្ទាប់ពីដឹកនាំក្រុម ចាញ់ក្លឹប Liverpool ដោយលទ្ធផល ៣-១ ដែលធ្វើឲ្យ Man Utd ឃ្លាត ១១ពិន្ទុ ពីក្រុមឈរនៅកំពូលតារាងលីគកំពូលអង់គ្លេស។

បច្ចុប្បន្ន Man Utd ត្រូវបានដឹកនាំដោយអ្នកចាត់ការបណ្ដោះអាសន្នលោក Ole Gunnar Solskjaer ដែលដឹកនាំ ១២ប្រកួត ឈ្នះ១០ ស្មើ១ និង ចាញ់១ នៅគ្រប់កម្មវិធីប្រកួតទាំងអស់។

សូមជម្រាបថា លោក Mourinho បានចូលដឹកនាំ Man Utd កាលពីខែឧសភា ឆ្នាំ២០១៦ ហើយបានជួយឲ្យលើកពានរង្វាន់ League Cup និង UEFA Europa League នៅរដូវកាលដំបូង។ ក្នុងដើមឆ្នាំ២០១៨ លោកបានបន្តកុងត្រាជាមួយក្រុមបិសាចក្រហម ដល់ឆ្នាំ២០២០៕

ប្រភព៖ BBC ប្រែសម្រួល៖ លាភ.