Leonardo បង្ហើបពីគម្រោងរបស់ ភ្នំពេញក្រោន

2019-03-04 08:09:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Leonardo Vitorino គ្រូបង្គោលភ្នំពេញក្រោន បង្ហើបថា ក្រុមរបស់លោកត្រូវការពង្រឹងបន្ថែមលើការលេងពីតំបន់បម្រើ ទៅកាន់ប្រយុទ្ធឲ្យកាន់តែប្រសើរថែមទៀត ខណៈកត្តាកាយសម្បទា ក៏ជាអ្វីដែលត្រូវយកចិត្តទុកដាក់ដូចគ្នា។ នេះបើយោងតាមការចុះផ្សាយរបស់ CNCC នៅថ្ងៃទី៤ ខែមីនា ឆ្នាំ២០១៩។

គ្រូបង្គោលជនជាតិប្រេស៊ីលរៀបរាប់ដូច្នេះថា៖ «ខ្ញុំគិតថា អ្វីដែលយើងយកចិត្តទុកដាក់នោះ គឺកត្តាកាយសម្បទា ព្រោះយើងកំពុងតែពង្រឹងវាជារៀងរាល់ថ្ងៃ។ ខ្ញុំចង់ឲ្យកូនក្រុមខ្ញុំមានលក្ខណៈប្រសើរជាងនេះ។ ជាមួយគ្នានេះដែរ ការលេងពីតំបន់បម្រើទៅកាន់ប្រយុទ្ធ ក៏ត្រូវតែប្រសើរជាងនេះទៀត ខណៈចំណុចមួយចំនួនក៏ប្រសើរខ្លះដែរហើយ។ ខ្ញុំគិតថា យើងនឹងលេងកាន់តែល្អពីមួយថ្ងៃទៅមួយថ្ងៃ»។

អតីតគ្រូបង្គោលជម្រើសជាតិកម្ពុជា ក៏បង្ហាញអារម្មណ៍រីករាយពេលកូនក្រុមអាចធ្វើបានល្អ ក្នុងការប្រកួតមិត្តភាពមួយចំនួន នាពេលកន្លងមក ដែលមិនមានវត្តមានកីឡាករជាប់ជម្រើសជាតិអាយុក្រោម ២២ឆ្នាំឡើយ។

ចាប់តាំងពីចូលកាន់តំណែងជាគ្រូបង្គោលភ្នំពេញក្រោន លោក Leonardo Vitorino បាននាំចូលកីឡាករជាច្រើន មានទាំងបរទេស និងកូនខ្មែរនៅបារាំងថែមទៀតដើម្បីពង្រឹងក្រុមត្រៀមរដូវកាលថ្មី២០១៩ ដែលចូលមកដល់នៅពាក់កណ្ដាលខែមីនានេះ៕

អត្ថបទ៖ លាភ.