ផ្លូវជាតិលេខ៧១C ភ្ជាប់ពីចំការលើ ខេត្តកំពង់ចាម ទៅត្បូងឃ្មុំ នឹងត្រូវពង្រីក និងលើកកម្ពស់គុណភាព
- 2019-03-15 01:39:28
- ចំនួនមតិ 0 | ចំនួនចែករំលែក 0
ផ្លូវជាតិលេខ៧១C ភ្ជាប់ពីចំការលើ ខេត្តកំពង់ចាម ទៅត្បូងឃ្មុំ នឹងត្រូវពង្រីក និងលើកកម្ពស់គុណភាព
ចន្លោះមិនឃើញ
ក្រសួងសាធារណការ និងដឹកជញ្ជូន បានឱ្យដឹងថា ផ្លូវជាតិលេខ៧១C គ្រោងនឹងសម្ពោធបើកការដ្ឋានសាងសង់ពង្រីក និងលើកកម្ពស់គុណភាពនៅចុងឆ្នាំ២០១៩ខាងមុខនេះ បន្ទាប់ពីការសិក្សាលទ្ធភាពចប់សព្វគ្រប់។
ការបញ្ជាក់ឱ្យដឹងខាងលើនេះ បន្ទាប់ពីលោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន កាលពីថ្ងៃទី១៤ ខែមីនា ឆ្នាំ២០១៩ បានដឹកនាំគណៈប្រតិភូចុះពិនិត្យស្ថានភាព និងសិក្សាលទ្ធភាពក្នុងការសាងសង់ពង្រីក និងលើកកម្ពស់គុណភាពផ្លូវជាតិលេខ ៧១C។
សូមជម្រាបថា ផ្លូវនេះមានប្រវែងសរុបចំនួន ១១៤,៦២គីឡូម៉ែត្រ បែកចេញពីផ្លូវជាតិលេខ៧១ ត្រង់ចំណុចផ្សារចំការលើ ស្រុកចំការលើ ខេត្តកំពង់ចាម ឆ្លងស្ពានស្ទឹងត្រង់-ក្រូចឆ្មារ ទៅកាន់ភូមិសាស្ត្រខេត្តត្បូងឃ្មុំ។
គម្រោងសាងសង់លើកកម្ពស់គុណភាពផ្លូវនេះ ត្រូវបានសិក្សាដោយក្រុមហ៊ុនសៀងហៃ ហើយបច្ចុប្បន្នក្រុមហ៊ុននេះ កំពុងសិក្សាបន្ថែមត្រង់ចំណុចដែលទទួលរងដោយគ្រោះទឹកជំនន់ ដើម្បីរកដំណោះស្រាយសមស្រប សំដៅធានាឱ្យបានគុណភាពខ្ពស់៕
រូបថត៖ ក្រសួងសាធារណការ និងដឹកជញ្ជូន