McGregor ប្រកាសចូលនិវត្តន៍ពី MMA ហើយ

2019-03-26 07:02:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករវាយក្នុងទ្រុង Conor McGregor បានប្រកាសចូលនិវត្តន៍ពីអាជីពប្រដាល់ក្បាច់គុនចម្រុះ MMA ហើយ ។ នេះបើយោងតាមការបង្ហោះរបស់សាមីខ្លួន នៅលើបណ្ដាញសង្គម Twitter។

ជើងខ្លាំងប្រចាំស្ថាប័ន UFC រូបនេះ បានសរសេរថា៖ "សួស្ដីអ្នកទាំងអស់គ្នា! ខ្ញុំសូមប្រកាសថា ខ្ញុំបានសម្រេចចិត្តចូលនិវត្តពីកីឡាប្រដាល់ MMA នៅថ្ងៃនេះហើយ។ ខ្ញុំសូមជូនពរឲ្យមិត្តរួមអាជីពទាំងអស់ ទទួលបានជោគជ័យ..."។

Hey guys quick announcement, I’ve decided to retire from the sport formally known as “Mixed Martial Art” today.
I wish all my old colleagues well going forward in competition.
I now join my former partners on this venture, already in retirement.
Proper Pina Coladas on me fellas!
— Conor McGregor (@TheNotoriousMMA) March 26, 2019

យ៉ាងណាក្ដី មិនទាន់មានការបញ្ជាក់ណាមួយពី UFC នៅឡើយទេ ហើយនេះក៏មិនមែនជាលើកទី១ ដែរ ដែល McGregor បង្ហោះសារចូលនិវត្តន៍បែបនេះ។ កាលពីឆ្នាំ ២០១៦ អ្នកប្រដាល់សញ្ចាតិអៀរឡង់រូបនេះ ក៏បានប្រកាសបញ្ចប់អាជីពទាំងវ័យក្មេងផងដែរ ប៉ុន្តែក្រោយមកក៏ចូលប្រកួតវិញ។

Conor ចូលក្លេរបស់ Khabib នាការប្រកួតចុងក្រោយរបស់ខ្លួន (រូបភាពផ្ដល់សិទ្ធិដោយ Reuters)

សូមបញ្ជាក់ថា បច្ចុប្បន្ន កីឡាករវ័យ ៣០ឆ្នាំរូបនេះ ឈរលំដាប់ទី ៨ នៅ UFC ដោយមានកំណត់ត្រាប្រកួតឈ្នះ ២១ដង និងចាញ់ ៤ដង និងឈ្នះខ្សែក្រវាត់ ២ប្រភេទទម្ងន់។ ប្រកួតចុងក្រោយ កាលពីខែតុលា ឆ្នាំ២០១៨ McGregor ចាញ់កីឡាកររុស្ស៊ី Khabib Nurmagomedov ក្នុងទឹកទី៤ សម្រាប់ការប្រកួតយកខ្សែក្រវាត់ UFC Lightweight Championship។ កីឡាករទាំង២ ត្រូវរងការពិន័យ ដោយសារការប្រទូសសារាយនៅក្រោយការប្រកួត ពោលគឺ Conor ត្រូវរងការពិន័យ ៥ម៉ឺនដុល្លារ និងមិនឲ្យប្រកួត ៦ខែ ចំណែក Khabib រងការពិន័យ ៥០ម៉ឺនដុល្លារ និងមិនឲ្យប្រកួត ៩ខែ៕