Ronaldo, Messi ល្បីរកលុយបានច្រើន តែនៅចាញ់កីឡាករម្នាក់

2019-04-02 09:44:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ថិតនៅក្នុងបញ្ជីឈ្មោះកីឡាករដែលរកចំណូលបានច្រើនជាងគេនៅលើពិភពលោករបស់ Forbes ឆ្នាំ២០១៨ ឈ្មោះរបស់កីឡាករប្រដាល់ Floyd Mayweather បានឈរនៅលើកំពូលតារាង តាមពីក្រោយដោយកីឡាករ Lionel Messi និងកីឡាករ Cristiano Ronaldo។

Floyd (ស្ដាំ) ពេលប្រកួតទល់នឹង Conor McGregor (រូបភាពផ្ដល់សិទ្ធិដោយ Reuters)

កីឡាករប្រដាល់ Floyd រកចំណូលបានសរុប ២៨៥លានដុល្លារ ក្នុងឆ្នាំ២០១៨ (គិតពីពាក់កណ្ដាលឆ្នាំ២០១៧ ដល់ពាក់កណ្ដាលឆ្នាំ២០១៨) ដែលមួយផ្នែកធំ បានមកពីការប្រកួតជាមួយកីឡាករប្រដាល់ Conor McGregor កាលពី ខែសីហា ឆ្នាំ២០១៧។

លេខរៀងបន្ទាប់ពីកីឡាករប្រដាល់អាមេរិករូបនេះ គឺកីឡាករបាល់ទាត់ Lionel Messi ដែលរកចំណូលបាន ១១១លានដុល្លារ និង Cristiano Ronaldo ដែលរកបាន ១០៨លានដុល្លារ។

Messi (ឆ្វេង) និង Ronaldo ចាប់ដៃគ្នា មុនប្រកួតនាពេលកន្លងមក (រូបភាពផ្ដល់សិទ្ធិដោយ Reuters)

កីឡាករផ្សេងៗទៀតដែលមានចំណូលខ្ពស់លើពិភពលោក មានដូចជា Conor McGregor (៩៩លានដុល្លារ), Neymar (៩០លានដុល្លារ), LeBron James (៨៥,៥លានដុល្លារ), Roger Federer (៧៧,២លានដុល្លារ) និង Stephen Curry (៧៦,៩លានដុល្លារ) ជាដើម។