Ronaldo ក្លាយជាកីឡាករទី១ក្នុងលោក ដែលឈ្នះពាននៅលីគកំពូល អ៊ីតាលី អេស្ប៉ាញ អង់គ្លេស
- 2019-04-21 00:44:58
- ចំនួនមតិ 0 | ចំនួនចែករំលែក 0
Ronaldo ក្លាយជាកីឡាករទី១ក្នុងលោក ដែលឈ្នះពាននៅលីគកំពូល អ៊ីតាលី អេស្ប៉ាញ អង់គ្លេស
ចន្លោះមិនឃើញ
Cristiano Ronaldo បានបង្កើតប្រវត្តិសាស្រ្ដថ្មីមួយទៀត ក្រោយ Juventus ឈ្នះជើងឯកលីគកំពូលអ៊ីតាលី Italy Serie A កាលពីយប់មិញនេះ ពោលគឺបានក្លាយជាកីឡាករទី១ ក្នុងលោក ដែលអាចឈ្នះជើងឯក Premier League (អង់គ្លេស), La Liga (អេស្ប៉ាញ) និង Serie A (អ៊ីតាលី)។
ជ័យជម្នះនេះ ក៏ធ្វើឲ្យក្រុមដែលមានមូលដ្ឋាននៅក្រុង Turin ប្រទេសអ៊ីតាលី ក្លាយជាក្រុមដែលឈ្នះជើងឯកមុនគេ បើគិតតែនៅលីគកំពូលទាំង ៥ នៅអឺរ៉ុប គឺ Premier League, La Liga, Bundesliga (អាល្លឺម៉ង់), Ligue 1 (បារាំង) និង Serie A។ វាគឺជាជើងឯកលើកទី ៣៥ របស់ Juventus ក្នុងប្រវត្តិសាស្រ្ដលីគកំពូលអ៊ីតាលីផងដែរ។
សូមបញ្ជាក់ថា Ronaldo បានឈ្នះជើងឯក Premier League ៣ដងជាមួយ Manchester United (២០០៦-២០០៧, ២០០៧-២០០៨, ២០០៨-២០០៩) ឈ្នះជើងឯក La Liga ២ដងជាមួយ Real Madrid (២០១១-២០១២, ២០១៦-២០១៧) និងឈ្នះជើងឯក Serie A ក្នុងរដូវកាលដំបូងជាមួយ Juventus នាពេលនេះ៕