Suarez រិះគន់ខ្សែការពារក្រុមខ្លួនថាលេងដូច «កូនក្មេង» ដែលធ្វើឱ្យ Liverpool រកបានគ្រាប់ទី៤

2019-05-08 03:14:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធ Barcelona កីឡាករ Luis Suarez បានរិះគន់ខ្សែការពារក្រុមរបស់ខ្លួនថា លេងបាល់ដូចជាកូនក្មេង ដែលធ្វើឱ្យ Liverpool រកបានគ្រាប់បាល់ទី៤ ទម្លាក់ Barcelona ចេញពី UEFA Champions League ត្រឹមវគ្គពាក់កណ្តាលផ្តាច់ព្រ័ត្រកាលពីយប់មិញ។

ការប្រកួតជើងទី២ នៅទឹកដី Anfield ក្រុមម្ចាស់ផ្ទះ Liverpool បានវាយបកបំបាក់ក្រុម Barcelona ក្នុងលទ្ធផល ៤-០ បន្ទាប់ពីជើងទី១ ចាញ់ ០-៣ នៅទឹកដី Camp Nou។ ៤គ្រាប់របស់ហង្សក្រហមនេះ ធ្វើបានដោយ Divock Origi ២គ្រាប់នៅនាទី ៧ និង ៧៩ និង Georginio Wijnaldum ២គ្រាប់នៅនាទី៥៤ និង ៥៦។ ចំពោះគ្រាប់ទី៤ គឺជាការប្រើល្បិចមួយរបស់ Arnold ដែលទាត់ចេញពីជ្រុង ធ្វើឱ្យខ្សែការពារ Barca ខ្វះការប្រុងប្រយ័ត្ន ក៏ត្រូវ Origiស៊ុតចូលតែម្តង។

Suarez និយាយយ៉ាងដូច្នេះថា៖ «វាមិនអាចទៅរួចឡើយ ដែលក្នុង១នាទី យើងរបូតដល់ទៅ២គ្រាប់។ សម្រាប់គ្រាប់ទី៤របស់ពួកគេ គឺយើងមើលទៅលេងដូចជាកូនក្មេងអ៊ីចឹង»។

ខ្សែប្រយុទ្ធសញ្ជាតិអ៊ុយរុយហ្គាយរូបនេះបន្តថា៖ «វាគឺជាពេលដែលយើងត្រូវធ្វើការរិះគន់ខ្លួនឯងឱ្យបានច្រើន នៅក្នុងក្រុមរបស់យើង។ វាគឺជាលើកទី២ហើយ ដែលរឿងនេះបានកើតឡើង។ យើងក៏បានត្រៀមខ្លួនសម្រាប់ការរិះគន់ទាំងអស់។ យើងមានការឈឺចាប់ខ្លាំងណាស់»៕

សូមទស្សនាវីដេអូ៖