ស្ពានអាកាសថ្មើរជើងទីមួយនៅខេត្តកំពង់ស្ពឺ ត្រូវបានបើកការដ្ឋានសាងសង់ហើយ

2019-05-21 03:05:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ពានអាកាសថ្មើរជើង ដំបូងបង្អស់ក្នុងទឹកដីខេត្តកំពង់ស្ពឺ បានចាប់ផ្ដើមបើកការដ្ឋានសាងសង់ហើយ ក្រោមអធិបតីភាពលោក វ៉ី សំណាង អភិបាលខេត្តកំពង់ស្ពឺ និងលោកស្រីឧកញ៉ាបណ្ឌិត សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍន៍ កាលពីថ្ងៃទី២០ ខែឧសភា ឆ្នាំ២០១៩។

ស្ពាននេះត្រូវសាងសង់ កាត់ផ្លូវជាតិលេខ៤ ត្រង់ចំណុចបេនឡានផ្សារកំពង់ស្ពឺ ដោយមានប្រវែង ៣០ម៉ែត្រ កម្ពស់ ៥,២ម៉ែត្រ ទទឹង៣ម៉ែត្រ ធ្វើពីបេតុងអាមេ ក្រោមជំនួយឧបត្ថម្ភពីលោកស្រីបណ្ឌិត សៀង ចាន់ហេង ក្នុងតម្លៃ ៣៤ម៉ឺនដុល្លារ ដោយចំណាយពេលសាងសង់ជិតមួយឆ្នាំ។

បើតាមការលើកឡើងរបស់លោកអភិបាលខេត្តឱ្យដឹងថា មូលហេតុសម្រេចកសាងស្ពានអាកាសថ្មើរជើងត្រង់ចំណុចគោលដៅខាងលើ ដោយសារកន្លងមកកើតមានការកកស្ទះចរាចរណ៍។ រដ្ឋបាលខេត្តក៏គ្រោងសាងសង់ស្ពានអាកាសថ្មើរជើងចំនួនពីរបន្ថែមទៀតផងដែរ គឺត្រង់ចំណុចវិទ្យាល័យកំពង់ស្ពឺ និងត្រង់ចំណុចមុខរោងចក្រសាប្រ៊ីណា៕