ឡានដំបូងរបស់វៀតណាម ផ្សំចេញពីគ្រឿងបន្លាស់ BMW និង Opel

2019-06-16 05:05:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

វិបសាយព័ត៌មានរថយន្តរបស់អាមេរិកឈ្មោះថា Jalopnik បានចុះផ្សាយអត្ថបទមួយមានចំណងជើងថា ៖ "រថយន្តដំបូងរបស់វៀតណាម គឺមានផ្សំទៅដោយគ្រឿងបន្លាស់របស់ BMW និង Opel”។

Vinfast Fadil

ការដាក់ចំណងជើងបែបនេះក៏ដោយសាររថយន្តប្រភេទ Hatchback ម៉ូដែល Fadil របស់ក្រុមហ៊ុនរថយន្តវៀតណាម Vinfast គឺផលិតឡើងដោយផ្អែកលើរូបរាងរបស់រថយន្តអាល្លឺម៉ង់ Opel ម៉ូដែល Karl Rocks។

Opel Karl Rocks

ចំណែកឯរថយន្ត LUX A2.0 ប្រភេទ Sedan និង LUX SA2.0 ប្រភេទ SUV របស់ Vinfast វិញ គឺត្រូវបានឌីហ្សាញរូបរាងដោយក្រុមហ៊ុនឌីហ្សាញដ៏ល្បីរបស់អ៊ីតាលីឈ្មោះថា Pininfarina និងផលិតឡើងលើគ្រោងឆ្អឹងនៃរថយន្ត BMW។

គួរដឹងថារោងចក្រផលិតរថយន្ត Vinfast បានបើកសម្ពោធជាផ្លូវការកាលពីថ្ងៃទី ១៤ ខែមិថុនា ហើយការបញ្ចេញលក់រថយន្តនៅក្នុងស្រុកនឹងត្រូវចាប់ផ្ដើមនៅថ្ងៃចន្ទស្អែកនេះជាមួយម៉ូដែល Fadil ដែលមានតម្លៃប្រមាណ ១៦ ៩០០ ដុល្លារ៕

ប្រភព៖ Jalopnik ប្រែសម្រួល៖ សុខហេង