លោក ដូណាល់ ត្រាំ ឆ្លៀតទៅជួបលោក គីម ជុងអ៊ុន នៅតំបន់ព្រំដែនកូរ៉េ

2019-06-30 08:13:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីចាកចេញពីកិច្ចប្រជុំG20 នៅជប៉ុន ប្រធានាធិបតីអាមេរិក លោក ដូណាល់ ត្រាំ បានឆ្លៀតទៅជួបលោក គីម ជុងអ៊ុន មេដឹកនាំកូរ៉េខាងជើង នាថ្ងៃទី៣០ ខែមិថុនា ឆ្នាំ២០១៩នេះ នៅតំបន់ព្រំដែនគ្មានយោធានៃប្រទេសកូរ៉េខាងជើង-កូរ៉េខាងត្បូង។

រូបថត៖ Reuters

លោក ដូណាល់ ត្រាំ បានក្លាយជាប្រធានាធិបតីអាមេរិកទីមួយដែលឆ្លងកាត់ព្រំដែនចូលក្នុងទឹកដីកូរ៉េខាងជើង បន្ទាប់ពីជំនួបនេះ។

នេះជាជំនួបលើកទី៣ហើយរវាងមេដឹកនាំទាំង២ បន្ទាប់ពីលើកទី១ ធ្វើឡើងនៅសិង្ហបុរី កាលពីខែមិថុនា ឆ្នាំ២០១៨ និងលើកទី២ នៅវៀតណាម កាលពីខែកុម្ភៈ ឆ្នាំ២០១៩។ កាលពីជំនួបនៅក្រុងហាណូយ មេដឹកនាំទាំង២ មិនអាចសម្រេចបាននូវការចរចាណាមួយឡើយអំពីបញ្ហានុយក្លេអ៊ែររបស់កូរ៉េខាងជើង។

លោក ត្រាំ ថ្លែងទៅកាន់អ្នកកាសែតនៅតំបន់ព្រំដែននេះថា វាគឺជាប្រវត្តិសាស្រ្តពិត ហើយលោកមានមោទនភាពដែលបានជាន់លើខ្សែបន្ទាត់ព្រំដែនកូរ៉េទាំង២។ ឯលោក គីម ក៏បានថ្លែងដ៏កម្រទៅកាន់អ្នកកាសែតផងដែរថា ជំនួបនេះគឺសញ្ញាមួយនៃទំនាក់ទំនងដ៏ល្អប្រសើររវាងលោក និងលោក ត្រាំ៕

ប្រភព៖ BBC ប្រែសម្រួល៖ សំភី