ភ្នំពេញក្រោន បន្ថែម​ខ្សែប្រយុទ្ធ​បរទេស​ ២រូបទៀត

  • 2019-07-02 07:58:26
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ភ្នំពេញក្រោន បានបង្ហាញ​កីឡាករ​បរទេស​ថ្មី ចំនួន​ ២រូបទៀត គឺខ្សែប្រយុទ្ធ​អាហ្រ្វិក​ខាងត្បូង Shane Booysen និង​ខ្សែប្រយុទ្ធ​នីហ្សេរីយ៉ា Dzama Bata នា​ថ្ងៃ​ទី២ ខែកក្កដានេះ ដើម្បីត្រៀម​ប្រជែង​ក្នុង​វគ្គ​ទី២ នៃ​លីគ​កំពូល​កម្ពុជា ឆ្នាំ២០១៩។

Shane Booysen

Booysen ជា​អតីត​កីឡាករ​ក្រោន ពីឆ្នាំ ២០១៥ ដល់ ២០០៧ មុន​ផ្លាស់​ទៅលេង​នៅ​ព្រះខ័នរាជស្វាយរៀង និង​អគ្គស្នងការដ្ឋាន​នគរបាលជាតិ។

ចំណែក Bata ជា​ខ្សែប្រយុទ្ធ​ដែល​បាន​ប្រឡូក​ក្នុង​លីគ​កំពូល​កម្ពុជា​ជា​ច្រើន​ឆ្នាំមកហើយ នៅ​ក្លឹប​ព្រះខ័នរាជស្វាយរៀង បឹងកេត អង្គរថាយហ្គ័រ អាស៊ីអឺរ៉ុប សូលទីឡូអង្គរ និងក្រសួង​ការពារជាតិ។ កីឡាករ​នីហ្សេរីយ៉ារូបនេះ ក៏ធ្លាប់​ឈ្នះ​ស្បែកជើង​មាស​ផងដែរ។

Bata

គិតទាំងកីឡាករថ្មីទាំង២ រូបនេះ ភ្នំពេញក្រោន មាន​កីឡាករ​បរទេសចំនួន ៤រូប គឺ៖ Paulo Victor (ប្រេស៊ីល), Mustafa Zazai (អាហ្វហ្គានីស្ថាន), Shane Booysen (អាហ្រ្វិកខាងត្បូង) និង Dzama Bata (នីហ្សេរីយ៉ា)៕

រូបភាព៖ ភ្នំពេញក្រោន

អត្ថបទ៖ ឈិន មិថុនា

;