អាជ្ញាធរហាមមិនឱ្យមានការជួបជុំដាក់កម្រងផ្កាគោរពវិញ្ញាណក្ខន្ធលោក កែម ឡី ឡើយ

2019-07-04 02:16:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សាលារាជធានីភ្នំពេញមិនអនុញ្ញាតឱ្យសមាគមសម្ព័ន្ធនិស្សិតបញ្ញវន្តខ្មែរ ធ្វើការជួបជុំដាក់កម្រងផ្កាគោរពវិញ្ញាណក្ខន្ធលោក កែម ឡី នៅស្ថានីយប្រេងឥន្ទនៈកាល់តិចស្តុបបូកគោ នាថ្ងៃទី១០ ខែកក្កដា ឆ្នាំ២០១៩ ខាងមុខនេះទេ។ នេះបើតាមការបញ្ជាក់របស់លោក ឃួង ស្រេង អភិបាលរាជធានីភ្នំពេញ ថ្លែងប្រាប់ [ខ្លីៗ] កាលពីព្រលប់ថ្ងៃទី៣ ខែកក្កដា ឆ្នាំ២០១៩នេះ។

ប្រជាពលរដ្ឋចោមរោមមើល ក្រោយលោក កែម ឡី ត្រូវបានគេបាញ់សម្លាប់ កាលពីថ្ងៃទី១០ ខែកក្កដា ២០១៦ កន្លងទៅ

លោក ឃួង ស្រេង បានបញ្ជាក់ថា «បើចង់ធ្វើបុណ្យទៅធ្វើនៅកន្លែងតម្កល់សពលោកកែម ឡី នៅខេត្តតាកែវ»។

សមាគមសម្ព័ន្ធនិស្សិតបញ្ញវន្តខ្មែរ កាលពីថ្ងៃទី ២៦ ខែមិថុនា ឆ្នាំ២០១៩ បានដាក់លិខិតទៅអភិបាលរាជធានីភ្នំពេញ ស្នើសុំជួបជុំដាក់កម្រងផ្កាគោរពវិញ្ញាណក្ខន្ធលោក កែម ឡី នៅស្ថានីយប្រេងឥន្ទនៈកាល់តិចស្តុបបូកគោនៅថ្ងៃទី១០ ខែកក្កដា ឆ្នាំ២០១៩ វេលាម៉ោង ៧ព្រឹក នឹងបញ្ចប់នៅវេលាម៉ោង ១១ព្រឹក៕

អត្ថបទ៖ សោភា