ក្រុមជម្រើសជាតិអាមេរិកស្ត្រី គ្រងជើងឯក World Cup លើកទី ៤ (មានវីដេអូ)

2019-07-08 02:04:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្រឹត្តិការណ៍បាល់ទាត់ពិភពលោកផ្នែកស្ត្រី Women's World Cup ឆ្នាំ ២០១៩ បានបញ្ចប់ជាស្ថាពរហើយ ក្រោយក្រុមជម្រើសជាតិអាមេរិក យកឈ្នះក្រុមជម្រើសជាតិហូឡង់ដោយលទ្ធផល ២-០ ធ្វើឡើងនៅទឹកដី Lyon ប្រទេសបារាំង។

ពាន Women's World Cu

២ គ្រាប់ដ៏សំខាន់នេះធ្វើបានដោយកីឡាការិនីឆ្នើម Megan RAPINOE ដោយបាល់ប៉េណាល់ទី នៅនាទី ៦១ និងមួយគ្រាប់ទៀតធ្វើបានដោយកីឡាការិនី Rose Lavella នៅនាទី ៦៩។ លទ្ធផលនេះបានជួយឲ្យក្រុមជម្រើសជាតិអាមេរិក កាន់កំណត់ត្រា ក្លាយជាក្រុមដំបូងគេដែលគ្រងជើងឯក World Cup ៤ ដងជាប់គ្នា។

Megan RAPINOE ពេលរកបានគ្រាប់នាំមុខ

ក្រៅពីនោះគឺពានបុគ្គលវិញ ក្រុមជម្រើសជាតិអាមេរិកស្ត្រី ក៏ឈ្នះច្រើនជាងគេគឺ ម្ចាស់ស្បែកជើងមាស (អ្នករកគ្រាប់បាល់ច្រើនបំផុតក្នុងព្រឹត្តិការណ៍) បានទៅលើ Megan RAPINOE រកបាន ៦ គ្រាប់ បញ្ជូនឲ្យមិត្តរួមក្រុមបាន ៣ ដងនិងជាម្ចាស់បាល់មាស World Cup(អ្នកនាំលេងល្អបំផុត) ឯម្ចាស់ស្បែកជើងប្រាក់ Alex Morgan រកបាន ៦ គ្រាប់ បញ្ជូនឲ្យមិត្តរួមក្រុមបាន ៣ ដង។ រីឯកីឡាការិនី Ellen White ឈ្នះស្បែកជើងប្រាក់ ដោយរកបាន ៦ គ្រាប់ស្មើ តែមិនបានបញ្ជូនបាល់បានច្រើន។

កីឡាការិនីឆ្នើម Megan RAPINOE

ចំណែក ម្ចាស់ស្រោមដៃមាស បានទៅលើកីឡាការិនីសញ្ជាតិហូឡង់ Sari van Veenendaal និងជយលាភី FIFA Young Player Award បានទៅលើកីឡាការិនីវ័យក្មេងសញ្ជាតិអាល្លឺម៉ង់ Giulia Gwinn និងមួយទៀតជយលាភី FIFA Fair Play Award បានទៅលើក្រុមជម្រើសជាតិបារាំង។